ಬೆಂಗಳೂರು: ಕ್ರೇಜಿ ಸ್ಟಾರ್ ರವಿಚಂದ್ರನ್ ಅಪೂರ್ವ ಸಿನಿಮಾ ಸೋತ ನಂತರ ಸುದ್ದಿಯೇ ಇಲ್ಲವಲ್ಲಾ ಎನ್ನುತ್ತಿದ್ದವರಿಗೆ ಹೊಸ ಸುದ್ದಿ ಕೊಡಲು ಹೊರಟಿದ್ದಾರೆ. ಅವರೀಗ ಹೊಸ ಸಿನಿಮಾ ಒಪ್ಪಿಕೊಂಡಿದ್ದು, ಅದರಲ್ಲಿ ಇಬ್ಬರು ಹೀರೋಯಿನ್ ಗಳಿರಲಿದ್ದಾರೆ.
ದಶರಥ ಎನ್ನುವ ಸಿನಿಮಾದಲ್ಲಿ ರವಿಚಂದ್ರನ್ ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸುತ್ತಿದ್ದಾರೆ. ರಾಮಾಯಣದ ದಶರಥ ಬಹುಪತ್ನಿಯರನ್ನು ಹೊಂದಿದ್ದ. ಅದೇ ಪರಿಕಲ್ಪನೆಯಲ್ಲಿ ಇಲ್ಲೂ ರವಿ ಹಿಂದೆ ಇಬ್ಬರು ಹುಡುಗಿಯರು ಸುತ್ತಲಿದ್ದಾರೆ.
ಪ್ರಿಯಾಮಣಿ ಮತ್ತು ಸೋನಿಯಾ ಅಗರ್ ವಾಲ್ ಇಬ್ಬರು ಕ್ರೇಜಿ ಸ್ಟಾರ್ ನಾಯಕಿಯರು. ಎಂಎಸ್ ರಮೇಶ್ ದಶರಥನ ಕತೆ ಬರೆದು ನಿರ್ದೇಶನ ಮಾಡಲಿದ್ದಾರೆ. ರವಿಚಂದ್ರನ್ ಗೆ ಇದರಲ್ಲಿ ಲಾಯರ್ ಪಾತ್ರ ಎನ್ನುವುದು ಇನ್ನೊಂದು ವಿಶೇಷ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
