ದಿನಕ್ಕೊಬ್ಬ ಟೆಕ್ನಿಷಿಯನ್ ಗೆ ಗೌರವ ಸಲ್ಲಿಸುತ್ತಿದೆ ವಿಕ್ರಾಂತ್ ರೋಣ ಟೀಂ

ಬೆಂಗಳೂರು: ವಿಕ್ರಾಂತ್ ರೋಣ ಸಿನಿಮಾ ಬಿಡುಗಡೆಗೆ ಕೆಲವೇ ದಿನ ಬಾಕಿಯಿದ್ದು, ಚಿತ್ರತಂಡ ವಿಶಿಷ್ಟವಾಗಿ ಸೋಷಿಯಲ್ ಮೀಡಿಯಾದಲ್ಲಿ ಪ್ರಚಾರ ಮಾಡುತ್ತಿದೆ.

ಪ್ರತಿನಿತ್ಯ ತೆರೆ ಹಿಂದೆ ಕೆಲಸ ಮಾಡಿದ ತಂತ್ರಜ್ಞರನ್ನು ಪರಿಚಯಿಸಿ, ಅವರ ಕಾರ್ಯವೈಖರಿಯ ವಿಡಿಯೋ ಪ್ರಕಟಿಸುವ ಮೂಲಕ ವಿಕ್ರಾಂತ್ ರೋಣ ತಂತ್ರಜ್ಞರನ್ನು ಗೌರವಿಸುವ ಜೊತೆಗೆ ಚಿತ್ರದ ಪ್ರಚಾರ ಮಾಡುತ್ತಿದೆ.

ಮೊನ್ನೆಯಷ್ಟೇ ಕಿಚ್ಚ ಸುದೀಪ್ ಕ್ಯಾಮರಾ ಮ್ಯಾನ್ ಬಗ್ಗೆ ವಿಡಿಯೋ ಪ್ರಕಟಿಸಿದ್ದರು. ನಿನ್ನೆ ಫೈಟ್ ಮಾಸ್ಟರ್ ಬಗ್ಗೆ ಪರಿಚಯ ಮಾಡಿಸಿದ್ದಾರೆ. ಈ ರೀತಿ ದಿನಕ್ಕೊಬ್ಬ ಟೆಕ್ನಿಷಿಯನ್ ಬಗ್ಗೆ ಪರಿಚಯ ಮಾಡುತ್ತಾ ಚಿತ್ರದ ಬಗ್ಗೆ ಪ್ರಚಾರ ಮಾಡಲಾಗುತ್ತಿದೆ.