ಸ್ಯಾಂಡಲ್ ವುಡ್ ನಲ್ಲಿ ಪ್ರಣಯ ಜೋಡಿ ಎಂದು ಬಿಂಬಿಸಲಾಗಿರುವ ಹಾಗು ಆ ಸತ್ಯವನ್ನು ಒಪ್ಪದ ಜೋಡಿ ಯಶ್ ಮತ್ತು ರಾಧಿಕ ಪಂಡಿತ್. ಈಗ ಅವರಿಬ್ಬರ ನಟನೆಯ ಚಿತ್ರದ ಟ್ರೇಲರ್ ಇತ್ತೀಚಿಗೆ ಬಿಡುಗಡೆ ಆಯಿತು. ಇದು ಅವರು ಮೂರನೆಯ ಚಿತ್ರವಾಗಿದೆ. ಈ ಮೊದಲು 2008 ರಲ್ಲಿ ಮೊಗ್ಗಿನ ಮನಸು, ಅದಾದ ಬಳಿಕ 2012 ರಲ್ಲಿ ಡ್ರಾಮ ಸಿನಿಮಾಗಳಲ್ಲಿ ಒಟ್ಟಾಗಿ ನಟಿಸಿದ್ದರು. ಈಗ ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ ಚಿತ್ರದಲ್ಲಿ ಒಂದಾಗಿದ್ದಾರೆ. ಎಲ್ಲ ನೆನೆದಂತೆ ನಡೆದರೆ ನಿಜ ಬದುಕಲ್ಲೂ ಈ ಜೋಡಿ ಮಿಸ್ಟರ್ ಅಂಡ್ ಮಿಸಸ್ ಯಶ್ ಆಗುತ್ತಾರೆ. ಯಶ್ ರಾಮಾಚಾರಿ ಪಾತ್ರವು ಡಾ.ವಿಷ್ಣುವರ್ಧನ್ ಅವರ ಅಭಿನಯದ 1972 ರಲ್ಲಿ ಬಿಡುಗಡೆಯಾದ ನಾಗರ ಹಾವು ಚಿತ್ರದ ಪಾತ್ರದಂತೆ ಚಿತ್ರಿಸಲಾಗಿದೆಯಂತೆ.