500 ರೂಪಾಯಿ ವೈನ್ ಆರ್ಡರ್ 50 ಸಾವಿರ ಕಳೆದುಕೊಂಡ ಯುವತಿ

ಯುವತಿಯೊಬ್ಬರು 500 ರೂಪಾಯಿ ವೈನ್ ಆರ್ಡರ್ ಮಾಡಿ 50 ಸಾವಿರ ಕಳೆದುಕೊಂಡ ಪ್ರಕರಣ ಬೆಳಕಿಗೆ ಬಂದಿದೆ.

ಬೆಂಗಳೂರು ಮೂಲದ ಯುವತಿ ಎರಡು ದಿನಗಳ ಹಿಂದೆ ವೈನ್​ ಹೋಮ್​ ಡೆಲಿವರಿಯಲ್ಲಿ (wine home delivery) ಯಲ್ಲಿ 500 ರೂಪಾಯಿ ವೈನ್ ಆರ್ಡರ್ ಮಾಡಿದ್ದರು.

ವೈನ್ ಬೆಲೆ 540 ರೂಪಾಯಿ ಪಾವತಿ ಮಾಡಿದ್ದರು. ಇನ್ನೊಮ್ಮೆ ಡೆಲಿವರಿ ಚಾರ್ಜ್​ 10 ರೂಪಾಯಿ ಕಳಿಸುವಂತೆ ಹೇಳಿ ವ್ಯಕ್ತಿಯೊಬ್ಬ ಒಟಿಪಿ ಪಡೆದುಕೊಂಡಿದ್ದಾನೆ.

ಇತ್ತ ಒಟಿಪಿ ಪಡೆಯುತ್ತಿದ್ದಂತೆ ಯುವತಿ ಬ್ಯಾಂಕ್ ಖಾತೆಯಿಂದ 49 ಸಾವಿರದ 323 ರೂಪಾಯಿ ಬೇರೆ ಖಾತೆಗೆ ವರ್ಗಾವಣೆಯಾಗಿದೆ.

ಸೈಬರ್​ ವಂಚಕರಿಂದ ಹಣ ಕಳೆದುಕೊಂಡ ಯುವತಿ ಸದ್ಯ ಕೇಂದ್ರ ವಿಭಾಗದ ಸಿಇಎನ್ ಠಾಣೆಗೆ ದೂರು ನೀಡಿದ್ದಾರೆ.