ಜಿ.ಪಂ ಸದಸ್ಯೆ ಪತಿ ಹತ್ಯೆಗೆ ಸುಪಾರಿ ಪಡೆದ ಬಾಬಾ ಪೊಲೀಸರ ವಶಕ್ಕೆ!

ಜಿಲ್ಲಾ ಪಂಚಾಯತ್ ಅಳವಂಡಿ ಕ್ಷೇತ್ರದ ಸದಸ್ಯೆಯ ಪತಿಯನ್ನು ಕೊಲೆ ಮಾಡಲು ಬಂದಿದ್ದನೆನ್ನಲಾದ ವ್ಯಕ್ತಯನ್ನು ಪೊಲೀಸ್ ಠಾಣಿಗೆ ಒಪ್ಪಿಸಲಾಗಿದೆ.

ಪೊಲೀಸರ ವಶಕ್ಕೆ ವಹಿಸಲಾಗಿರುವ ವ್ಯಕ್ತಯನ್ನು ವಿಜಯಪುರದ ಬಾಬಾ ಎಂದು ಹೇಳಲಾಗುತ್ತಿದೆ. ಕೊಪ್ಪಳ ಜಿಲ್ಲಾ ಪಂಚಾಯತ್ ಅಳವಂಡಿ ಕ್ಷೇತ್ರದ ಸದಸ್ಯೆ ರತ್ನವ್ವ ಅವರ ಪತಿ ಭರಮಪ್ಪ ಅವರ ಕೊಲೆಗೆ ವಿಜಯಪುರ ಮೂಲದ ಬಾಬಾ ಕಳೆದ ಎರಡು ತಿಂಗಳ ಹಿಂದೆ ಸುಪಾರಿ ಪಡೆದಿದ್ದನಂತೆ

ಭರಮ್ಮನ ಊರಾಗಿರುವ ಹಟ್ಟಿ ಗ್ರಾಮದಲ್ಲಿ ಬಾಬಾನ ಚಲನವಲನ ಗಮನಿಸಿ ಅನುಮಾನಗೊಂಡು ಆತನನ್ನು ಕೇಳಿದಾಗ ಭರಮಪ್ಪನ ಕೊಲೆಗೆ ಸುಪಾರಿ ಪಡೆದಿರುವುದಾಗಿ ಬಾಯ ಬಿಟ್ಟಿದ್ದಾನೆ ಎನ್ನಲಾಗಿದೆ.

ಭರಮಪ್ಪನ ಕೊಲೆಗೆ ಸುಪಾರಿ ನೀಡಿದವರು ಕೊಪ್ಪಳ ತಾಲೂಕಿನ ಕೇಸಲಾಪುರ ಗ್ರಾಮದ ಮಲ್ಲಯ್ಯ ಎಂದು ಬಾಬಾ ಭರಮಪ್ಪನ ಕುಟುಂಬಸ್ಥರ ಮುಂದೆ ಬಾಯ ಬಿಟ್ಟಿದ್ದಾನೆ ಎಂದು ಹೇಳಲಾಗುತ್ತಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ