ಕಾಲ್ ಗರ್ಲ್ ಕಳುಹಿಸುವುದಾಗಿ ಯುವಕನಿಂದ 10 ಸಾವಿರ ರೂಪಾಯಿ ಹಣ ಪಡೆದು ಮೋಸ ಮಾಡಿರುವ ಘಟನೆ ಬೆಂಗಳೂರು ಇಂದಿರಾ ನಗರದಲ್ಲಿ ಬೆಳಕಿಗೆ ಬಂದಿದೆ. ಮೋಸಕ್ಕೊಳಗಾದ ವ್ಯಕ್ತಿಯನ್ನ ನವೀನ್ ಎಂದು ಗುರ್ತಿಸಲಾಗಿದೆ.
ವೆಬ್ ಸೈಟ್`ವೊಂದರಲ್ಲಿ ಕಾಲ್ ಗರ್ಲ್ ಕುರಿತ ಮಾಹಿತಿ ನೋಡಿದ ನವೀನ್ ಎಂಬಾತ ಕರೆ ಮಾಡಿ ಬೇಡಿಕೆ ಇಟ್ಟಿದ್ದಾನೆ. ಬಳಿಕ ಇಂದಿರಾನಗರದ 100 ಫೀಟ್ ರಸ್ತೆಯಲ್ಲಿ ರಾಜು ಎಂಬಾತನನ್ನ ಭೇಟಿ ಮಾಡಿ ವ್ಯವಹಾರ ಕುದುರಿಸಿಕೊಂಡಿದ್ದಾನೆ. ಬಳಿಕ ನವೀನ್`ನನ್ನ ಕಟ್ಟಡವೊಂದಕ್ಕೆ ಬರಲು ತಿಳಿಸಿದ್ದಾರೆ. ಅಲ್ಲಿ ಆತನಿಂದ 10 ಸಾವಿರ ರೂ. ಪಡೆದು ಮತ್ತೊಂದು ಮಹಡಿಯನ್ನ ಹುಡುಗಿ ಇರುವುದಾಗಿ ಹೇಳಿ ಕಳುಹಿಸಿದ್ದಾರೆ.
ಹಣ ಕೊಟ್ಟು ಹುಡುಗಿಗಾಗಿ ಹೊರಟ ನವೀನ್`ಗೆ ಶಾಕ್ ಆಗಿದೆ. ಹಣ ಪಡೆದು ದುಷ್ಕರ್ಮಿಗಳು ಮೋಸ ಮಾಡಿದ್ದಾರೆ. ಹಣವೂ ಇಲ್ಲ.. ಹುಡುಗಿಯೂ ಇಲ್ಲ ಎಂಬಂತಾಗಿದೆ. ಬಳಿಕ ನವೀನ್ ಇಂದಿರಾನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
