ಬೆಂಗಳೂರು: ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ನಡೆದಾಡುತ್ತಿದ್ದ ಯುವತಿಯನ್ನು ಯುವಕನೊಬ್ಬ ಬಾಚಿ ತಬ್ಬಿಕೊಂಡು ಲೈಂಗಿಕವಾಗಿ ಕಿರುಕುಳ ಕೊಟ್ಟ ಘಟನೆ ನಡೆದಿದೆ. ಈ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಈ ಘಟನೆ ಏಪ್ರಿಲ್ 2 ರಂದು ತಡರಾತ್ರಿ 1.52 ರ ಸುಮಾರಿಗೆ ನಡೆದಿದೆ ಎನ್ನಲಾಗಿದೆ. ಬೆಂಗಳೂರಿನ ಪ್ರತಿಷ್ಠಿತ ಬಿಟಿಎಂ ಲೇಔಟ್ ನಲ್ಲಿ ಘಟನೆ ನಡೆದಿದೆ. ಯುವತಿ ತನ್ನ ಗೆಳತಿಯೊಂದಿಗೆ ನಡೆದುಕೊಂಡು ಗಲ್ಲಿಯೊಂದರಲ್ಲಿ ತೆರಳುತ್ತಿದ್ದಾಳೆ.
ಈ ವೇಳೆ ಹಿಂದಿನಿಂದಲೇ ಬರುವ ಯುವಕ ಆಕೆಯನ್ನು ಹಿಡಿದೆಳೆಯುತ್ತಾನೆ. ಯುವತಿ ತೀವ್ರವಾಗಿ ಪ್ರತಿರೋಧ ತೋರಿಸುತ್ತಿದ್ದರೂ ಆಕೆಯನ್ನು ಬಲವಂತವಾಗಿ ತಬ್ಬಿಕೊಂಡು ಕಿಸ್ ಮಾಡಲು ಯತ್ನಿಸುತ್ತಾನೆ. ಈ ವೇಳೆ ಯುವತಿಯ ಗೆಳತಿ ಬಿಡಿಸಲು ಹೋಗುತ್ತಾಳೆ. ಯುವತಿ ಕೆಳಕ್ಕೆ ಬಿದ್ದಿರುತ್ತಾಳೆ.
ಕೊನೆಗೆ ಯುವತಿಯನ್ನು ಬಿಟ್ಟು ಆರೋಪಿ ಪರಾರಿಯಾಗುತ್ತಾನೆ. ಆದರೆ ಯುವತಿ ತಾನಾಗಿಯೇ ದೂರು ನೀಡಲು ಹೋಗಿರುವುದಿಲ್ಲ. ವಿಡಿಯೋ ವೈರಲ್ ಆಗುತ್ತಿದ್ದಂತೇ ಪೊಲೀಸರೇ ಸ್ವಯಂ ಪ್ರೇರಿತರಾಗಿ ದೂರು ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.
Bengaluru women walk with caution!
BTM Layout | April 3 | 1 :52 AM
Man caught on CCTV following two women before suddenly groping one of them and fleeing. The women visibly shaken, did not file a complaint, likely out of fear#Bengaluru police say they've filed a suo motu… pic.twitter.com/hTqwylooEH
