ಕೀಕಿ ಡ್ಯಾನ್ಸ್ ಮಾಡಿದ್ರೆ ಹುಷಾರ್! ಡಿಸಿಎಂ ಎಚ್ಚರಿಕೆ
ವಿದೇಶದಲ್ಲಿ ಜನಪ್ರಿಯವಾಗಿರುವ ಚಲಿಸುವ ಕಾರಿನಿಂದ ಇಳಿದು ನೃತ್ಯ ಮಾಡುವ ಅಪಾಯಕಾರಿ ಚಾಲೆಂಜ್ ಮಾಡದಂತೆ ಈಗಾಗಲೇ ದೇಶದ ಇತರ ರಾಜ್ಯಗಳೂ ಎಚ್ಚರಿಕೆ ನೀಡಿವೆ. ಇದೀಗ ಕರ್ನಾಟಕದಲ್ಲೂ ಇದೇ ಸಾಹಸ ಮಾಡಲು ಹೋಗಿ ಬಿಗ್ ಬಾಸ್ ತಾರೆ ನಿವೇದಿತಾ ಗೌಡ ಪೊಲೀಸ್ ಕೇಸು ದಾಖಲಿಸಿಕೊಂಡಿದ್ದಾರೆ.
ಇದರ ಬೆನ್ನಲ್ಲೇ ಗೃಹ ಸಚಿವರೂ ಆಗಿರುವ ಡಿಸಿಎಂ ಪರಮೇಶ್ವರ್ ‘ಸಾರ್ವಜನಿಕರಿಗೆ ತೊಂದರೆಯಾಗುವಂತೆ ಮಾಡುವ ಸಾಹಸಗಳ ಹೊರತಾಗಿ ಸೋಷಿಯಲ್ ಮೀಡಿಯಾದಲ್ಲಿ ಬರುವ ಯಾವುದೇ ಚಾಲೆಂಜ್ ಗಳಿಗೂ ನಮ್ಮ ಅಭ್ಯಂತರವಿಲ್ಲ. ಆದರೆ ರಸ್ತೆಯಲ್ಲಿ ಮಾಡುವ ಅಪಾಯಕಾರಿ ಸವಾಲು ಮಾಡಲು ಹೋಗಬೇಡಿ. ಪೋಷಕರೂ ತಮ್ಮ ಮಕ್ಕಳಿಗೆ ಈ ನಿಟ್ಟಿನಲ್ಲಿ ಎಚ್ಚರಿಕೆ ನೀಡಬೇಕು’ ಎಂದು ಡಿಸಿಎಂ ಪರಮೇಶ್ವರ್ ಟ್ವೀಟ್ ಮೂಲಕ ಎಚ್ಚರಿಕೆ ನೀಡಿದ್ದಾರೆ.