ಹಾವೇರಿ: ದ್ವಿಚಕ್ರ ವಾಹನ ಧಗಧಗ ಹೊತ್ತಿ ಉರಿಯುತ್ತಿತ್ತು.. ಅದರೊಂದಿಗೆ ಅದರ ಪಕ್ಕದಲ್ಲೇ ಆತನೂ ಕೂಡ ಬೆಂಕಿಗಾಹುತಿಯಾಗುತ್ತಿದ್ದ. ಹೌದು ಹಾವೇರಿ ಜಿಲ್ಲೆ ಬ್ಯಾಡಗಿ ತಾಲೂಕಿನ ಅಗಸನಹಳ್ಳಿ ಗ್ರಾಮದ ರೈತನೊಬ್ಬನ ಜಮೀನಿನ ಬಳಿ ಶುಕ್ರವಾರ ಬೆಳಗ್ಗೆ ಇಂತದೊಂದು ಘನಘೋರ ದೃಶ್ಯ ಕಂಡುಬಂದಿದೆ.
20ರಿಂದ 25 ವರ್ಷದ ಒಳಗಿನ ಯುವಕ ಈ ರೀತಿ ನಡುಬೀದಿ ಹೆಣವಾಗಿ ಸುಟ್ಟು ಹೋಗಿದ್ದಾನೆ. ಹೊಗೆಯಾಡುತ್ತಿರುವುದನ್ನು ಕಂಡ ಗ್ರಾಮಸ್ಥರು ಕೂಡಲೇ ಗಾಬರಿಯಿಂದ ಕಂಗಾಲಾಗಿದ್ದಾರೆ. ಕೂಡಲೇ ಸ್ಥಳೀಯ ಪೊಲೀಸ್ ಠಾಣೆಗೆ ವಿಷಯ ತಿಳಿಸಿದ್ದಾರೆ. ಸುದ್ದಿ ತಿಳಿದು ಸ್ಥಳಕ್ಕೆ ಬಂದ ಪೊಲೀಸರಿಗೆ ಮತ್ತೊಂದು ಅಚ್ಚರಿ ಕಾದಿತ್ತು.
ಮೊಬೈಲ್ ಸ್ಫೋಟವಾಯಿತಾ?
ಹೌದು ಯುವಕನ ಬಳಿ ಪೊಲೀಸರು ತನಿಖೆ ನಡೆಸಿದಾಗ ಇಂತದೊಂದು ಸಂಶಯ ಹೊರಹಾಕಿದ್ದಾರೆ. ಜೊತೆಗೆ ಶ್ವಾನ ದಳ ತಂದು ಪರೀಕ್ಷಿಸಿದ್ದಾರೆ. ಆದರೆ ಮತ್ತೊಂದು ಮಗ್ಗಲಿನಿಂದ ವಿಚಾರಣೆ ನಡೆಸಿದಾಗ ಯಾರಾದರು ಕೊಂದು ಶವ ಸುಟ್ಟು ಹೋದರಾ ಎಂದು ಸಂಶಯಪಟ್ಟಿದ್ದಾರೆ. ಘಟನೆ ವೇಳೆ ಬೈಕ್ ಸಂಪೂರ್ಣ ಸುಟ್ಟು ಹೋಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
