ಬೆಂಗಳೂರಿನಲ್ಲಿ ರಹಸ್ಯವಾಗಿ ನೆಲೆಸಿದ್ದ ಪಾಕಿಸ್ತಾನ ದಂಪತಿಯ ಖತರ್ನಾಕ್ ವಿಚಾರಗಳು ಈಗ ಒಂದೊಂದೇ ಬಯಲಾಗುತ್ತಿದೆ. ಬೆಂಗಳೂರಿನ ಪೀಣ್ಯದಲ್ಲಿ ನೆಲೆಸಿದ್ದ ದಂಪತಿಯ ವಿಚಾರಣೆ ನಡೆಸುತ್ತಿರುವ ಪೊಲೀಸರಿಗೆ ಶಾಕಿಂಗ್ ವಿಚಾರಗಳು ಬಯಲಾಗುತ್ತಿದೆ.
ಅಕ್ಟೋಬರ್ 3 ರಂದು ಪಾಕಿಸ್ತಾನ ಮೂಲದ ದಂಪತಿಯನ್ನು ಜಿಗಣಿ ಪೊಲೀಸರು ಬಂಧಿಸಿದ್ದರು. ಹಿಂದೂಗಳ ಸೋಗಿನಲ್ಲಿದ್ದ ದಂಪತಿ ಮೂಲತಃ ಪಾಕ್ ನಾಗರಿಕರು ಎಂದು ತಿಳಿದುಬಂದಿತ್ತು. ದಂಪತಿಯ ಪೂರ್ವಾಪರ ಕಲೆ ಹಾಕುತ್ತಿದ್ದ ಪೊಲೀಸರಿಗೆ ಅವರು ಇಲ್ಲಿ ಮಾಡುತ್ತಿದ್ದ ಚಟುವಟಿಕೆಗಳ ಬಗ್ಗೆ ಮಾಹಿತಿ ಸಿಕ್ಕಿದೆ.
ಕಳೆದ ಮೂರು ವರ್ಷಗಳಿಂದ ಮನೆಯಿಂದ ಹೆಚ್ಚುಹೊರಗೆ ಬಾರದೇ ದಂಪತಿ ಸಂಶಯಾಸ್ಪದವಾಗಿ ಜೀವನ ಮಾಡುತ್ತಿದ್ದರು. 2014 ರಲ್ಲಿ ಭಾರತಕ್ಕೆ ಎಂಟ್ರಿ ಕೊಟ್ಟಿದ್ದ ಸೈಯದ್ ತಾರೀಕ್ ದಂಪತಿ 2019 ರಲ್ಲಿ ಬೆಂಗಳೂರಿಗೆ ಬಂದಿದ್ದರು. ಬಳಿಕ ಇಲ್ಲಿ ಧರ್ಮ ಪ್ರಚಾರಕರಾಗಿ ರಹಸ್ಯವಾಗಿ ಕೆಲಸ ಮಾಡುತ್ತಿದ್ದರು.
ಯೂಟ್ಯೂಬ್ ಮೂಲಕ ಪ್ರಚಾರ ಕೆಲಸ ಮಾಡುತ್ತಿದ್ದರು. ಇವರ ಖರ್ಚು ವೆಚ್ಚವನ್ನು ಸಂಸ್ಥೆಯೊಂದು ನಿರ್ವಹಿಸುತ್ತಿತ್ತು. ಇಲ್ಲಿ ನಿಗೂಢವಾಗಿದ್ದ ದಂಪತಿ ಅಕ್ಕಪಕ್ಕದವರೊಂದಿಗೂ ಬೆರೆಯುತ್ತಿರಲಿಲ್ಲ. ಇದೀಗ ಪೊಲೀಸ್ ವಿಚಾರಣೆಯಲ್ಲಿ ಒಂದೊಂದೇ ವಿಚಾರಗಳು ಬಯಲಿಗೆ ಬರುತ್ತಿದೆ.
