ಆಟೋ ಚಾಲಕನಿಂದ ಸ್ಯಾಂಡಲ್‌ವುಡ್‌ ನಟಿ ಮೇಲೆ ಹಲ್ಲೆ
ಆಟೋ ಚಾಲಕನಿಗೆ ಡಬಲ್ ಚಾರ್ಜ್ ತೆಗೆದುಕೊಳ್ಳಬೇಡ. ಸರಿಯಾದ ಚಾರ್ಜ್ ತಗೋ ಎಂದು ಹೇಳಿದ್ದಕ್ಕೆ ಚಿತ್ರನಟಿಯೊಬ್ಬಳ ಮೇಲೆ ಆಟೋ ಚಾಲಕ ಹಲ್ಲೆ ಮಾಡಿದ್ದಾನೆ ಎಂಬ ಆರೋಪ ಕೇಳಿಬಂದಿದೆ.
ಬ್ಲಡ್ ಸ್ಟೋರಿ ಚಿತ್ರದ ನಾಯಕಿ ನಟಿ ಆಶ್ರಿನ್ ಮೆಹ್ತಾ ಮೇಲೆ ಆಟೋ ಚಾಲಕನೊಬ್ಬ ಹಲ್ಲೆ ಮಾಡಿದ್ದಾನೆ ಎಂದು ಆರೋಪಿಸಲಾಗುತ್ತಿದೆ. ನಟಿ ಕೆಲಸದ ನಿಮಿತ್ತ ಉತ್ತರಹಳ್ಳಿ ಬಳಿ ಆಟೋದಲ್ಲಿ ತೆರಳಿದ್ದಾರೆ. ಈ ವೇಳೆ ಆಟೋ ಚಾಲಕನಿಗೆ ಡಬಲ್ ಚಾರ್ಜ್ ತೆಗೆದುಕೊಳ್ಳಬೇಡ. ಸರಿಯಾದ ಚಾರ್ಜ್ ತಗೋ ಎಂದು ಹೇಳಿದ್ದಾರೆ. ಇಷ್ಟಕ್ಕೇ ಕೋಪಗೊಂಡ ಆಟೋ ಚಾಲಕ ನಟಿಗೆ ಅವ್ಯಾಚ್ಯ ಶಬ್ದಗಳಿಂದ ನಿಂದಿಸಿ, ಹಲ್ಲೆ ನಡೆಸಿದ್ದಾನೆ ಎನ್ನಲಾಗಿದೆ. ಈ ಕುರಿತು ನಟಿ ಸುಬ್ರಹ್ಮಣ್ಯಪುರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
