ಎಚ್.ಎ.ಎಲ್( ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್) ಬಳಿ ಹೊಂಚು ಹಾಕಿ ದರೋಡೆ ಮಾಡಲು ನಾಲ್ವರ ದರೊಡೆಕೋರರ ತಂಡ ಸಜ್ಜಾಗಿತ್ತು. ಅಯ್ಯಪ್ಪ ಅಲಿಯಾಸ್ ಅಯ್ಯ ಎನ್ನುವವನು ಈ ಹಿಂದೆಯೇ ಬೊಮ್ಮನಹಳ್ಳಿ ಪೊಲೀಸ್ ಠಾಣೆಯ ರೌಡಿಶೀಟರ್ ಆಗಿದ್ದ. ಅಜಯ್, ಅಕ್ಷಯ್, ನವೀನ್ ಎಂಬ ಮೂವರನ್ನು ಜೊತೆಗೆ ಸೇರಿಸಿಕೊಂಡು ದರೋಡೆಗೆ ಮುಂದಾಗಿದ್ದ ಎಂದು ಸಿಸಿಬಿ ಹಿರಿಯ ಪೋಲಿಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಕುರಿತು ಮಾಹಿತಿ ಪಡೆದು ದಾಳಿ ನಡೆಸಿದ ಸಿಸಿಬಿ ಪೊಲೀಸ್ ಸಿಬ್ಬಂದಿ ದರೋಡೆಕೋರರನ್ನು ಬಂಧಿಸಿದ್ದಾರೆ. ಬಂಧಿತರಿಂದ ಕೃತ್ಯಕ್ಕೆ ಬಳಸುತ್ತಿದ್ದ ಲಾಂಗು ಮಚ್ಚು ವಶಕ್ಕೆ ಪಡೆದುಕೊಂಡು, ಎಚ್ ಎ ಎಲ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ವಿಚಾರಣೆ ನೆಡೆಸಲಾಗುತ್ತಿದೆ ಎಂದಿದ್ದಾರೆ.
