ಉದ್ಯಮಿ, ಕಾಂಗ್ರೆಸ್ ಮುಖಂಡ ಕೆಜಿಎಫ್ ಬಾಬು ಮನೆ ಮೇಲೆ ಐಟಿ ದಾಳಿ ನಡೆಸಿದ್ದು, ತನಿಖೆ ಮುಂದುವರೆದಿದೆ.. KGF ಬಾಬು ಮನೆಯಲ್ಲಿ ಮತದಾರರ ಗುರುತಿನ ಚೀಟಿಗಳು ಪತ್ತೆಯಾಗಿದ್ದು, KGF ಬಾಬುಗೆ ಸಂಕಷ್ಟ ಶುರುವಾಗಿದೆ.. ಚಿಕ್ಕಪೇಟೆ ವಿಧಾನಸಭಾ ಕ್ಷೇತ್ರದ 1,925 ವೋಟರ್ ಐಡಿಗಳು ಪತ್ತೆಯಾಗಿವೆ. HDFC ಬ್ಯಾಂಕ್ ಅಕೌಂಟ್ ನಂಬರಿನ ಚೆಕ್ಗಳು ಪತ್ತೆಯಾಗಿವೆ.. ಚೆಕ್ಗಳ ಜೊತೆ ವೋಟರ್ ಐಡಿ ಅಟ್ಯಾಚ್ ಮಾಡಿ KGF ಬಾಬು ಇರಿಸಿದ್ರು. ಇನ್ನು ಮನೆಯ ನೆಲಮಹಡಿಯಲ್ಲಿ 26 ಬ್ಯಾಗ್ಗಳಲ್ಲಿದ್ದ ಸೀರೆ, ಚಿಕ್ಕಪೇಟೆಗೆ ಸಂಬಂಧಿಸಿದ ಮುದ್ರಣ ಪ್ರತಿಗಳು, ವ್ಯಾನ್ ಹ್ಯೂಸನ್ ಕಂಪನಿಯ 481 ಸೂಟ್ಗಳು ಪತ್ತೆಯಾಗಿವೆ.. ಇವೆಲ್ಲ ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆಯಾಗಿದ್ದು, ಅಧಿಕಾರಿಗಳು ತನಿಖೆ ಮುಂದುವರೆಸಿದ್ದಾರೆ.. ಚುನಾವಣಾ ನೀತಿ ಸಂಹಿತೆಯ ಸ್ಪಷ್ಟ ಉಲ್ಲಂಘನೆ ಹಿನ್ನೆಲೆ ಶಿವಾಜಿನಗರ ವಲಯದ ಚುನಾವಣಾ ಉಸ್ತುವಾರಿ ಹೈ ಗ್ರೌಂಡ್ಸ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.. ಇಂದು ಹೈಗ್ರೌಂಡ್ಸ್ ಪೊಲೀಸರು ಕೋರ್ಟ್ ಪರ್ಮೀಷನ್ ಪಡೆದು FIR ದಾಖಲಿಸಲಿದ್ದಾರೆ. KGF ಬಾಬು ವಿರುದ್ಧ ಹೈಗ್ರೌಂಡ್ಸ್ ಠಾಣೆಯಲ್ಲಿ NCR ದಾಖಲಾಗಿದೆ.
