ಮೊಬೈಲ್ ಎತ್ತಿಕೊಳ್ಳಲು ಮೆಟ್ರೊ ಹಳಿಗೆ ಧುಮುಕಿದ ಮಹಿಳೆ: ಮುಂದೆನಾಯ್ತು?
ನಿನ್ನೆ ಸಂಜೆ ವೇಳೆ ಇಂತಹದ್ದೊಂದು ಘಟನೆ ನಡೆದಿದೆ. ಇಂದಿರಾ ನಗರ ಮೆಟ್ರೊ ರೈಲ್ವೇ ನಿಲ್ದಾಣದಲ್ಲಿ ರೈಲಿಗಾಗಿ ಕಾಯುತ್ತಾ ನಿಂತಿದ್ದಾಗ ಮಹಿಳೆಯ ಮೊಬೈಲ್ ಹಳಿಗೆ ಬಿದ್ದಿದೆ.
ತಕ್ಷಣವೇ ಮೊಬೈಲ್ ಎತ್ತಿಕೊಳ್ಳಲು ಮಹಿಳೆ ಹಳಿಗೇ ಧುಮುಕಿದ್ದಾಳೆ. ಅದೃಷ್ಟವಶಾತ್ ಇದನ್ನು ಗಮನಿಸಿದ ಮೆಟ್ರೊ ಸಿಬ್ಬಂದಿ ಹಳಿಗಳ ಮೇಲಿನ ವಿದ್ಯುತ್ ಸಂಪರ್ಕ ಕಡಿತಗೊಳಿಸಿದ್ದಾರೆ. ತಕ್ಷಣವೇ ಮಹಿಳೆಯನ್ನು ಮೇಲಕ್ಕೆ ಎಳೆದುಕೊಳ್ಳಲಾಗಿದೆ. ಹೀಗಾಗಿ ಯಾವುದೇ ಅನಾಹುತವಾಗಲಿಲ್ಲ.
ಆದರೆ ವಿದ್ಯುತ್ ಸಂಪರ್ಕ ಕಡಿತಗೊಳಿಸಿದ್ದರಿಂದ ಮತ್ತೆ ರಿಸೆಟ್ ಮಾಡಲು ಸಮಯವಾಗಿದ್ದರಿಂದ ಪರ್ಪಲ್ ಲೈನ್ ನಲ್ಲಿ 15 ನಿಮಿಷ ಕಾಲ ಮೆಟ್ರೊ ಸಂಚಾರ ಸ್ಥಗಿತವಾಗಿತ್ತು.
