ಒಂದು ವರ್ಷ ಲೊಕೇಷನ್ ಲೀಸ್ ತೆಗೆದುಕೊಂಡರು ರಾಜಮೌಳಿ.. ಎಲ್ಲಿ ಅಂದ್ರೆ !
ಶುಕ್ರವಾರ, 17 ಜನವರಿ 2014 (11:40 IST)
PR
ಇಷ್ಟು ದಿನಗಳ ಕಾಲ ಸಂಕ್ರಾಂತಿ ಹಬ್ಬದ ಸಂಭ್ರಮದಲ್ಲಿ ಇದ್ದ ತೆಲುಗು ಸಿನಿಮಂದಿ ಈಗ ಮತ್ತೆ ತಮ್ಮತಮ್ಮ ಕೆಲಸಗಳಿಗೆ ಹಿಂತಿರುಗಿದ್ದಾರೆ. ಅವರಲ್ಲಿ ರಾಜಮೌಳಿ ನಿರ್ದೇಶನದ ಬಾಹುಬಲಿ ಟೀಮ್ ಸಹ ಕೆಲ್ಸಕ್ಕೆ ಹಿಂತಿರುಗಿದೆ. ಈ ಚಿತ್ರದಲ್ಲಿ ಪ್ರಭಾಸ್ ಮತ್ತು ಅನುಷ್ಕ. ಈಗ ಆ ಸಿನಿಮಾದ ಬಗ್ಗೆ ಒಂದು ವಿಶೇಷ ಸಂಗತಿ ಹೇಳಲು ಹೊರಟಿದ್ದೇವೆ. ಬಾಹುಬಲಿ ಚಿತ್ರವೂ ಬಿಡುಗಡೆ ಭಾಗ್ಯ ಕಾಣುವುದು ಇನ್ನು ಎರಡು ವರ್ಷದ ಬಳಿಕ. ಆದರೆ ಆ ಚಿತ್ರಕ್ಕೆ ಸಂಬಂಧಿಸಿದಂತೆ ಅನೇಕ ಸಂಗತಿಗಳು ಹೊರ ಬೀಳುತ್ತಲೇ ಇರುತ್ತವೆ ದಿನಕ್ಕೊಂದರಂತೆ.
ಈ ಚಿತ್ರದ ಶೂಟಿಂಗ್ ನಡೆಯುತ್ತಿದೆ. ಇದಕ್ಕೆ ಸಂಬಂಧಿಸಿದಂತೆ ಸುಮಾರು ಒಂದು ವರ್ಷಗಳ ಕಾಲ ಒಂದು ಲೋಕೇಶನ್ ಲೀಜ್ ಗೆ ತೆಗೆದುಕೊಂಡಿದ್ದಾರಂತೆ ಸ್ಟಾರ್ ನಿರ್ದೇಶಕ ರಾಜಮೌಳಿ . ಅದು ಬೇರೆ ಎಲ್ಲೂ ಅಲ್ಲ ರಾಮೋಜಿ ಫಿಲ್ಮ್ ಸಿಟಿಯಲ್ಲಿ . ಈಗಾಗಲೇ ರಾಮೋಜಿ ಫಿಲಿಂ ಸಿಟಿಯಲ್ಲಿ ಅವರು ಯುದ್ಧ ಸನ್ನಿವೇಶಗಳನ್ನು ಚಿತ್ರೀಕರಿಸಿದ್ದಾರಂತೆ. ಆದರೆ ಈಗ ತೆಗೆದುಕೊಂಡಿರುವ ಈ ಲೋಕೇಶನ್ ಒಂದು ವರ್ಷ ಬೇರೆ ಯಾರಿಗೂ ನೀಡುವ ಹಾಗಿಲ್ಲ.
ಮುಖ್ಯವಾಗಿ ಈ ಚಿತ್ರದ ಲೀಜ್ ನಿಂದ ರಾಜ ಮೌಳಿ ಇದರ ಎರಡನೇ ಭಾಗವನ್ನು ಸಹ ಇಲ್ಲೇ ಶೂಟಿಂಗ್ ಮಾಡುತ್ತಾರೆ ಎನ್ನುವುದು ಸಾಬೀತಾಯಿತು. ಒಟ್ಟಾರೆ ಏನಾದರೊಂದು ಹೊಸದಾದ ಸಂಚಲನ ಮಾಡುವುದರಲ್ಲಿ ರಾಜಮೌಳಿ ಬಿಟ್ಟರೆ ಬೇರೆ ಯಾರು ಇಲ್ಲ ಎನ್ನುವುದನ್ನು ಮತ್ತೆ ಮತ್ತೆ ಸಾಬೀತು ಮಾಡಿದ್ದಾರೆ.
