ನವದೆಹಲಿ: ಇತ್ತೀಚೆಗೆ ರಿಲಯನ್ಸ್ ಜಿಯೊ ಸಂಸ್ಥೆ ಜತೆಗೆ ದೇಶದ ಸರ್ಕಾರಿ ಸಾಮ್ಯದ ಟೆಲಿಕಾಮ್ ಸಂಸ್ಥೆ ಬಿಎಸ್ಎನ್ಎಲ್ ಕೂಡಾ ದರ ಸಮರಕ್ಕೆ ಇಳಿದಿದೆ. ಇದೀಗ ರಿಲಯನ್ಸ್ ನ ಧನ್ ಧನಾ ಧನ್ ಆಫರ್ ಗೆ ಪ್ರತಿಯಾಗಿ ಭರ್ಜರಿ ಆಫರ್ ಘೋಷಿಸಿದೆ.
ಕೇವಲ 333 ರೂ. ಗಳಿಗೆ 270 ಜಿಬಿ 3 ಜಿ ಡಾಟಾ ಒದಗಿಸುವ ಬಂಪರ್ ಆಫರ್ ಘೋಷಿಸಿದೆ. ಇದರ ವ್ಯಾಲಿಡಿಟಿ 90 ದಿನಗಳದ್ದಾಗಿರುತ್ತದೆ. ಪ್ರತಿ ದಿನ 3 ಜಿಬಿಯಂತೆ 3 ಜಿ ಡಾಟಾ ಉಪಯೋಗಿಸಬಹುದಾಗಿದೆ ಎಂದು ಬಿಸಿಸಿಐ ಪ್ರಕಟಣೆ ತಿಳಿಸಿದೆ.
ಅತ್ತ ಇದಕ್ಕೂ ಮೊದಲು ಬಿಎಸ್ಎನ್ಎಲ್ ಘೋಷಣೆ ಮಾಡಿದ 339 ರೂ. ಗಳ 3 ಜಿ ಪ್ಯಾಕ್ ಕೂಡಾ ಯಥಾವತ್ತು ಜಾರಿಯಲ್ಲಿರುತ್ತದೆ. ಕೆಲವೇ ದಿನಗಳ ಹಿಂದೆ ರಿಲಯನ್ಸ್ 309 ರೂ. ಗಳಿಗೆ 4 ಜಿ ಡಾಟಾ ಒದಗಿಸುವ ಯೋಜನೆ ಪ್ರಕಟಿಸಿತ್ತು. ಇದರ ಬೆನ್ನಲ್ಲೇ ವೊಡಾಫೋನ್ ಕೂಡಾ ಅತ್ಯುತ್ತಮ 4 ಜಿ ಆಫರ್ ಪ್ರಕಟಿಸಿತ್ತು. ಅಂತೂ ಗ್ರಾಹಕರಿಗೆ ಹಬ್ಬವೋ ಹಬ್ಬ!
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
