ಕೇಂದ್ರದಿಂದ ಒಂದೇ ಪುಟದ ಆದಾಯ ತೆರಿಗೆ ಸಲ್ಲಿಕೆ ನಮೂನೆ ಜಾರಿ

ಆದಾಯ ತೆರಿಗೆ ವಿವರ ಸಲ್ಲಿಕೆ ನಮೂನೆಯನ್ನು ಸರಳಗೊಳಿಸಿ ಒಂದೇ ಪುಟದಲ್ಲಿ ಜಾರಿಗೊಳಿಸಿ ಕೇಂದ್ರ ಸರಕಾರ ಅಧಿಸೂಚನೆ ಹೊರಡಿಸಿದೆ.

ಆದಾಯ ತೆರಿಗೆ ಸಲ್ಲಿಸುವವರು ಆಧಾರ ಸಂಖ್ಯೆ ನಮೂದಿಸುವುದು ಮತ್ತು ನೋಟು ನಿಷೇಧದ ನಂತರ 2 ಲಕ್ಷಕ್ಕೂ ಮೇಲ್ಪಟ್ಟ ಠೇವಣಿಯ ವಿವರಗಳನ್ನು ಉಲ್ಲೇಖಿಸುವುದು ಕಡ್ಡಾಯಗೊಳಿಸಿದೆ.

ಇಲ್ಲಿಯವರೆಗೆ ಆದಾಯ ತೆರಿಗೆ ವಿವರ ಸಲ್ಲಿಕೆ ನಮೂನೆ ಏಳು ಪುಟಗಳನ್ನು ಹೊಂದಿತ್ತು. ಇದೀಗ ಕೇವಲ ಒಂದು ಪುಟದ ಸರಳ ಐಟಿಆರ್‌ ನಮೂನೆ-1 ಸಹಜ್ ಎನ್ನುವ ಹೆಸರಲ್ಲಿ ಜಾರಿಗೆ ತಂದಿದೆ.

ನಮೂನೆ-1 ರಲ್ಲಿ 50 ಲಕ್ಷ ರೂಪಾಯಿ ವೇತನದ ಆದಾಯ ಹೊಂದಿರುವವರು ಆದಾಯ ತೆರಿಗೆ ಇಲಾಖೆಗೆ ಅರ್ಜಿಯನ್ನು ಭರ್ತಿ ಮಾಡಿ ಸಲ್ಲಿಸಬಹುದಾಗಿದೆ.

ಇದೀಗ ಆದಾಯ ತೆರಿಗೆ ಪಾವತಿಸುವ ಪ್ರತಿಯೊಬ್ಬರು ಆಧಾರ ಸಂಖ್ಯೆ ಮತ್ತು ಪಾನ್ ಸಂಖ್ಯೆಯನ್ನು ಕಡ್ಡಾಯವಾಗಿ ನಮೂದಿಸಬೇಕಾಗಿದ್ದಲ್ಲದೇ 2 ಲಕ್ಷಕ್ಕೂ ಅಧಿಕ ಹಣವನ್ನು ಠೇವಣಿ ಮಾಡಿದ್ದರೆ ಸಂಪೂರ್ಣ ವಿವರ ನೀಡುವುದು ಕಡ್ಡಾಯವಾಗಿದೆ.  

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.