ಜಯಲಲಿತಾ ಮೆಚ್ಚಿನ ವಸ್ತುಗಳೂ ಆಕೆಯ ಜತೆಯೇ ಮಣ್ಣಾಗಲಿವೆ
ಚೆನ್ನೈ: ತಮಿಳುನಾಡು ಮುಖ್ಯಮಂತ್ರಿ ಜಯಲಲಿತಾ ನಿಧನದ ಸುದ್ದಿ ಕೇಳಿ ಅಭಿಮಾನಿಗಳು ಮರುಗುತ್ತಿದ್ದಾರೆ. ಅವರ ನೆನಪುಗಳನ್ನು ಮೆಲುಕು ಹಾಕುತ್ತಿದ್ದಾರೆ.
ಇಂದು ಸಂಜೆ ಮೆಚ್ಚಿನ ಅಮ್ಮ ಮಣ್ಣಲ್ಲಿ ಮಣ್ಣಾಗಲಿದ್ದಾರೆ. ಅವರ ಜತೆಗೆ ಅವರ ಮೆಚ್ಚಿನ ಸರ ಮತ್ತು ವಾಚು ಕೂಡಾ ಮಣ್ಣಾಗಲಿದೆ. ಜಯಲಲಿತಾ ಯಾವಾಗಲೂ ತಮ್ಮ ಕುತ್ತಿಗೆಯಲ್ಲಿ ಒಂದು ಸರ ಮತ್ತು ಕೈಗೆ ಕಪ್ಪು ಬಣ್ಣದ ವಾಚ್ ಕಟ್ಟಿಕೊಳ್ಳುತ್ತಿದ್ದರು. ಅದು ಈಗಲೂ ಅವರ ಮೃತದೇಹದ ಜತೆಗಿದೆ.
ಅದನ್ನು ತೆಗೆಯದೇ ಇರಲು ಅವರ ಆಪ್ತರು ನಿರ್ಧರಿಸಿದ್ದಾರೆ. ಹೀಗಾಗಿ ಅದೂ ಕೂಡಾ ಪಂಚಭೂತಗಳಲ್ಲಿ ಸೇರುವ ಅಮ್ಮನಿಗೆ ಜತೆಯಾಗಲಿದೆ.
