ಇನ್ನು ಕೂಡ ಹಲವರಿಗೆ ಹೊಸ 2,000 ರೂಪಾಯಿ ನೋಟುಗಳ ಪರಿಚಯವಾಗಿಲ್ಲದಿರುವ ಲಾಭ ಪಡೆದುಕೊಳ್ಳಲು ಯೋಜಿಸಿದ ಕಂಪ್ಯೂಟರ್ ಆಪರೇಟರ್‌ ಒಬ್ಬ ಸ್ಕ್ಯಾನರ್ ಮತ್ತು ಮುದ್ರಕಗಳನ್ನು ಬಳಸಿ ನಕಲಿ ನೋಟುಗಳನ್ನು ಉತ್ಪಾದಿಸಿದ್ದಾನೆ. ಪಂಜಾಬ್‌ನಲ್ಲಿ ಈ ಘಟನೆ ನಡೆದಿದ್ದು ಆರೋಪಿ ಮತ್ತು ಆತನಿಗೆ ಸಹಕರಿಸಿದವರನ್ನು ಬಂಧಿಸಲಾಗಿದೆ.
ಜನರಿಗೆ ಹೊಸ ನೋಟಿನ ಪರಿಚಯ ಹೆಚ್ಚು ಇಲ್ಲವಾದ್ದರಿಂದ ಸುಲಭವಾಗಿ ವಂಚಿಸಬಹುದು ಎಂಬುದು ಆರೋಪಿಗಳ ಲೆಕ್ಕಾಚಾರವಾಗಿತ್ತು. ಸಂದೀಪ್ ಝೆರಾಕ್ಸ್ ಅಂಗಡಿಯನ್ನು ನಡೆಸುತ್ತಿದ್ದು, ಇಲ್ಲಿಯೇ ಮೂವರು ಆರೋಪಿಗಳು ನಕಲಿ ನೋಟನ್ನು ಮುದ್ರಿಸಿದ್ದರು. ಮಾಹಿತಿ ಪಡೆದ ಪೊಲೀಸರು ತಕ್ಷಣ ಕಾರ್ಯಾಚರಣೆಗಿಳಿದು ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
