ಮುಂಬೈ: ಮಹಿಳೆಯರಿಗೆ ಹೆರಿಗೆ ರಜೆಯೆಂದು ಎಲ್ಲಾ ಖಾಸಗಿ, ಸರ್ಕಾರಿ ಸಂಸ್ಥೆಗಳು ತಿಂಗಳುಗಟ್ಟಲೆ ವೇತನ ಸಹಿತ ರಜೆ ನೀಡುತ್ತವೆ. ಇದೀಗ ಋತುಸ್ರಾವದ ದಿನಕ್ಕೂ ಕೆಲವು ಕಂಪನಿಗಳು ರಜೆ ನೀಡಲು ಪ್ರಾರಂಭಿಸಿವೆ.
ಋತುಸ್ರಾವದ ಮೊದಲ ದಿನ ಹೆಚ್ಚಿನ ಯುವತಿಯರಿಗೆ ಹೊಟ್ಟೆ ನೋವು, ಇನ್ನಿತರ ಕಿರಿ ಕಿರಿ ಇರುತ್ತದೆ. ಈ ದಿನ ಕೆಲಸ ಮಾಡುವುದು ಎಂದರೆ ದೊಡ್ಡ ತಲೆ ನೋವು. ಆ ದಿನ ವಿಶ್ರಾಂತಿ ಸಿಕ್ಕಿದರೆ ಸಾಕಪ್ಪಾ ಎಂದು ಅಂದುಕೊಂಡಿರುತ್ತಾರೆ.
ಹಾಗಾಗಿ ಮುಂಬೈನ ಎರಡು ಸಂಸ್ಥೆಗಳು ಋತುಸ್ರಾವದ ಮೊದಲ ದಿನ ಮಹಿಳೆಯರಿಗೆ ರಜೆ ನೀಡುವ ಮಹತ್ವದ ನಿರ್ಧಾರ ಕೈಗೊಂಡಿದೆ. ವಿಶೇಷವೆಂದರೆ ಮುಂಬೈಯ ಈ ಸಂಸ್ಥೆಗಳ ನಿರ್ಧಾರಕ್ಕೆ ಸಾಮಾಜಿಕ ಜಾಲತಾಣ ಸೇರಿದಂತೆ ಹಲವೆಡೆಯಿಂದ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಮುಂದಿನ ದಿನಗಳಲ್ಲಿ ಇದು ದೇಶವ್ಯಾಪಿಯಾದರೂ ಆದೀತು.
