ಡಿಸೆಂಬರ್ 31 ರಂದು ಉತ್ತರ ಪ್ರದೇಶದಲ್ಲಿ ಮೋದಿ ನೀಡಿದ್ದ ಪ್ರಚಾರ ಭಾಷಣವನ್ನು ಉಲ್ಲೇಖಿಸಿ ಮಾತನಾಡಿರುವ ಕಾಂಗ್ರೆಸ್ ವಕ್ತಾರ ಮನೀಶ್ ತಿವಾರಿ, ಭಾಷಣ ಮಾಡಿದಾಗಲೆಲ್ಲ ಮೋದಿ ದೇಶಕ್ಕೆ ಮತ್ತು ದೇಶದ ಜನರಿಗೆ ಬೆದರಿಕೆ ಒಡ್ಡುವ ಪ್ರಯತ್ನ ಮಾಡುತ್ತಾರೆ. ನೀವು ಡಿಸೆಂಬರ್ 31 ರ ಭಾಷಣವನ್ನೇ ಪರಿಗಣಿಸಿ ನೋಡಿ, ಅವರು ಜನರಿಂದ ಆಯ್ಕೆಯಾದ ಪ್ರತಿನಿಧಿ ಎಂದು ಅನ್ನಿಸುವುದೇ ಇಲ್ಲ. ದೇಶಕ್ಕೆ ಬೆದರಿಕೆ ಒಡ್ಡುವ ಆಕ್ರಮಣಕಾರನ ಹಾಗೆ ಕಾಣಿಸುತ್ತಾರೆ, ಎಂದಿದ್ದಾರೆ.
ತಮ್ಮ ಮಾತುಗಳನ್ನು ಮುಂದುವರೆಸಿದ ಅವರು, ಕೆಲವು ಪಕ್ಷಗಳು ಧರ್ಮ, ಜಾತಿಯ ಮೇಲೆ, ಮತ್ತೀಗ ಬಡವ, ಶ್ರೀಮಂತನೆಂಬ ಆಧಾರದ ಮೇಲೆ ದೇಶವನ್ನು ಒಡೆಯಲು ಪ್ರಯತ್ನಿಸುತ್ತಿದ್ದಾರೆ.ಮೋದಿ ಇತರರಲ್ಲಿ ಲೋಪವನ್ನು ಕಂಡುಕೊಳ್ಳಬಲ್ಲರು. ಆದರೆ ಕನ್ನಡಿಯಲ್ಲಿ ತಮ್ಮನ್ನು ತಾವು ಎದುರಿಸಲು ಅವರಿಗೆ ಧೈರ್ಯವಿಲ್ಲ ಎಂದಿದ್ದಾರೆ .
