ನವದೆಹಲಿ: ಇತ್ತೀಚೆಗೆ ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಟ್ವಿಟರ್ ಖಾತೆ ಬಗ್ಗೆ ಹಲವು ಚರ್ಚೆಗಳಾಗುತ್ತಿವೆ. ಅವರ ಖಾತೆಯನ್ನುಇನ್ಯಾರೋ ನಿರ್ವಹಿಸುತ್ತಿದ್ದಾರೆಂಬ ಟೀಕೆಗಳಿಗೆ ರಾಹುಲ್ ತಿರುಗೇಟು ನೀಡಿದ್ದಾರೆ. ಆದರೆ ಇದಕ್ಕೆ ಬಿಜೆಪಿಯಿಂದ ತಕ್ಕ ಎದಿರೇಟನ್ನೂ ಪಡೆದಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಜನಪ್ರಿಯತೆ ಹೆಚ್ಚಿಸಿಕೊಳ್ಳಲು ರಾಹುಲ್ ಖಾತೆಯನ್ನು ಬೇರೆ ಯಾರೋ ನಿರ್ವಹಿಸುತ್ತಿದ್ದಾರೆ, ಅವರ ಖಾತೆಯಲ್ಲಿ ಹಲವು ನಕಲಿ ಖಾತೆಗಳಿವೆ, ರಿಟ್ವೀಟ್ ದಾಖಲೆಗಳಲ್ಲೇ ನಕಲಿ ಎಂಬ ಆರೋಪಗಳಿಗೆ ರಾಹುಲ್ ವಿಡಿಯೋ ಟ್ವೀಟ್ ಮೂಲಕ ತಿರುಗೇಟು ನೀಡಿದ್ದಾರೆ.
ತಮ್ಮ ಮುದ್ದಿನ ನಾಯಿ ಸ್ಟಂಟ್ ಮಾಡುವ ವಿಡಿಯೋ ಒಂದನ್ನು ಅಪ್ ಲೋಡ್ ಮಾಡಿರುವ ರಾಹುಲ್, ನೋಡಿ ನನ್ನ ಖಾತೆಯನ್ನು ನಿರ್ವಹಿಸುತ್ತಿರುವುದು ಇದೇ ಎಂದಿದ್ದಾರೆ. ಆದರೆ ಇದಕ್ಕೆ ತಿರುಗೇಟು ನೀಡಿರುವ ಬಿಜೆಪಿ ನಾಯಕ ಅಮಿತ್ ಮಾಲ್ವಿಯಾ ಅಕ್ಷಯ್ ಕುಮಾರ್ ಅಭಿನಯದ ಪದ್ಮನ್ ಚಿತ್ರದ ಪೋಸ್ಟರ್ ನ್ನೇ ತಿರುಚಿದ ಫೋಟೋ ಹಾಕಿದ್ದಾರೆ.
ಈ ಪೋಸ್ಟರ್ ನಲ್ಲಿ ರಾಹುಲ್ ಸೈಕಲ್ ಮೇಲೆ ತಮ್ಮ ನಾಯಿಯನ್ನು ಕೂರಿಸಿಕೊಂಡು ಹೋಗುವ ಚಿತ್ರವಿದೆ. ಅಲ್ಲದೆ, ಇದನ್ನು ಸಿನಿಮಾ ಪೋಸ್ಟರ್ ನಂತೆ ಬಿಂಬಿಸಲಾಗಿದ್ದು, ‘ಪಿಡಿಮ್ಯಾನ್’ ಎಂದು ಶೀರ್ಷಿಕೆಯನ್ನೂ ನೀಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
