ದಯಾಮರಣ ದಯಪಾಲಿಸಿ ಎಂದು ಅಂಗಲಾಚುತ್ತಿರುವ ರಾಜೀವ್ ಗಾಂಧಿ ಹಂತಕ
ಗುರುವಾರ, 22 ಜೂನ್ 2017 (10:10 IST)
ಚೆನ್ನೈ: ದಯಮಾಡಿ ನನಗೆ ದಯಾಮರಣ ಕರುಣಿಸಿ ಎಂದು ಮಾಜಿ ಪ್ರಧಾನಿ ದಿವಂಗತ ರಾಜೀವ್ ಗಾಂಧಿ ಹಂತಕ ರಾಬರ್ಟ್ ಪಿಯುಸ್ ಅಂಗಲಾಚುತ್ತಿದ್ದಾನೆ.
ಕಳೆದ 26 ವರ್ಷಗಳಿಂದ ಜೈಲುವಾಸಿಯಾಗಿರುವ ರಾಬರ್ಟ್ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿದ್ದಾನೆ. ಫೌಜುಲ್ ಕಾರಾಗೃಹ ಮುಖ್ಯಸ್ಥರಿಗೆ ಪತ್ರ ಬರೆದಿರುವ ರಾಬರ್ಟ್ ದಯಾಮರಣ ಕೋರಿದ್ದಾನೆ.
ಇದೀಗ ಈ ಪತ್ರದ ಬಗ್ಗೆ ಪ್ರತಿಕ್ರಿಯಿಸಿರುವ ಹಿರಿಯ ಅಧಿಕಾರಿಗಳು, ಈ ವಿಚಾರ ಗೃಹ ಇಲಾಖೆ ಮತ್ತು ಪೊಲೀಸ್ ಮುಖ್ಯಸ್ಥರ ವಿವೇಚನೆಗೆ ಬಿಟ್ಟದ್ದು ಎಂದಿದ್ದರು. ಭಾರತದ ಶಾಂತಿ ಪಡೆ ಯೋಧರು ಎಲ್ ಟಿಟಿಇ ವಿರುದ್ಧ ದಾಳಿ ನಡೆಸಿದಾಗ ರಾಬರ್ಟ್ ಪುತ್ರ ಸಾವನ್ನಪ್ಪಿದ್ದ. ಈ ಹತ್ಯೆಗೆ ಸೇಡು ತೀರಿಸಿಕೊಳ್ಳಲು ಆತ ರಾಜೀವ್ ಹಂತಕರ ಸಂಘ ಸೇರಿದ್ದ.
ಈ ಹಿಂದೆ ಇತರ ಏಳು ಆರೋಪಿಗಳನ್ನು ಬಿಡುಗಡೆ ಮಾಡಲು ಜಯಲಲಿತಾ ನೇತೃತ್ವದ ತಮಿಳುನಾಡು ಸರ್ಕಾರ ನಿರ್ಧರಿಸಿತ್ತಾದರೂ, ಇದಕ್ಕೆ ಸುಪ್ರೀಂ ಕೋರ್ಟ್ ತಡೆಯಾಜ್ಞೆ ನೀಡಿತ್ತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
