ಗುಜರಾತ್ ವಿಶ್ವವಿದ್ಯಾಲಯದ ಬಳಿ ಇರುವ ಮಾಹಿತಿಯ ಪ್ರಕಾರ, ದೂರಶಿಕ್ಷಣದಲ್ಲಿ ರಾಜ್ಯಶಾಸ್ತ್ರದ ಎಂಎ ಅಭ್ಯಸಿಸಿದ್ದ ಅವರು 1983ರಲ್ಲಿ 62.3% ಅಂಕಗಳೊಂದಿಗೆ ಸ್ನಾತಕೋತ್ತರ ಪದವಿಯನ್ನು ಪೂರೈಸಿದ್ದರು ಎಂದು ತಿಳಿದು ಬಂದಿದೆ. 2 ವರ್ಷದ ಎಂಎ ಪದವಿಯಲ್ಲಿ ಅವರು ಯೂರೋಪ್ ರಾಜನೀತಿ, ಭಾರತೀಯ ರಾಜನೀತಿಯ ತೌಲನಿಕ ಅಧ್ಯಯನ, ರಾಜಕಾರಣದ ಮನೋವಿಜ್ಞಾನ ಪಠ್ಯಕ್ರಮಗಳನ್ನು ಅಧ್ಯಯನ ಮಾಡಿದ್ದರು ಎಂದು ಗುಜರಾತ್ ವಿವಿ ಕುಲಪತಿ ಎಂ.ಎನ್. ಪಟೇಲ್ ಸ್ಪಷ್ಟಪಡಿಸಿದ್ದಾರೆ ಎಂದು ರಾಷ್ಟ್ರೀಯ ಪತ್ರಿಕೆಯಲ್ಲಿ ವರದಿಯಾಗಿದೆ.