ತೆಲಂಗಾಣ : ಎನ್ ಜಿಓ ಸಂಸ್ಥೆ ಬೆಳೆಸಿದ ಗಿಡಗಳನ್ನು ತಿಂದಿದ್ದಕ್ಕೆ ತೆಲಂಗಾಣ ಪೊಲೀಸರು ಮೇಕೆಗಳನ್ನು ಬಂಧಿಸಿದ ಘಟನೆ ಕರೀಂನಗರ ಜಿಲ್ಲೆಯ ಹುಜುರಾಬಾದ್ ನಗರದಲ್ಲಿ. ನಡೆದಿದೆ.
ಸರ್ಕಾರಿ ಆಸ್ಪತ್ರೆಯ ಆವರಣದಲ್ಲಿ ಎನ್ ಜಿಓ ಸಂಸ್ಥೆಯೊಂದು ನೆಟ್ಟಿದ್ದ ಸುಮಾರು 150 ಸಸಿಗಳನ್ನು ಮೇಕೆಗಳು ತಿಂದು ಹಾಕಿದ್ದಾವೆ. ಅವುಗಳನ್ನು ರೆಡ್ ಹ್ಯಾಂಡ್ ಆಗಿ ಹಿಡಿದ 'ಮರಗಳನ್ನು ಉಳಿಸಿ'ಸಂಸ್ಥೆಯ ಕಾರ್ಯಕರ್ತರು ಪೊಲೀಸರಿಗೆ ಒಪ್ಪಿಸಿದ್ದಾರೆ.
ಕಾರ್ಯಕರ್ತರು ನೀಡಿದ ದೂರಿನ ಮೇರೆಗೆ ಮೇಕೆಗಳನ್ನು ಬಂಧಿಸಿದ ಪೊಲೀಸರು ಪೊಲೀಸ್ ಠಾಣೆಯ ಹೊರಗೆ ಕಟ್ಟಿಹಾಕಿದ್ದು, ಮೇಕೆಗಳ ಮಾಲೀಕ 1 ಸಾವಿರ ರೂ. ದಂಡ ಕಟ್ಟಿದ ಬಳಿಕ ಆ ಮೇಕೆಗಳನ್ನು ಬಿಡುಗಡೆ ಮಾಡಲಾಗಿದೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
