ಮಗ ಮಾಡಿದ ತಪ್ಪಿಗೆ ಹೆತ್ತಮ್ಮನಿಗೆ ಇದೆಂಥಾ ಶಿಕ್ಷೆ ಕೊಟ್ಟ ಗ್ರಾಮಸ್ಥರು?!
ಮಂಗಳವಾರ, 9 ಫೆಬ್ರವರಿ 2021 (10:37 IST)
ರಾಂಪುರ: ಮಗ ಅಪ್ರಾಪ್ತ ಬಾಲಕಿಯ ಜೊತೆ ಓಡಿ ಹೋದ ತಪ್ಪಿಗೆ ಹೆತ್ತ ತಾಯಿಯನ್ನು ಗ್ರಾಮಸ್ಥರು ಥಳಿಸಿ, ಬೆತ್ತಲೆ ಮೆರವಣಿಗೆ ಮಾಡಿದ ಘಟನೆ ಉತ್ತರ ಪ್ರದೇಶದ ರಾಂಪುರದಲ್ಲಿ ನಡೆದಿದೆ.
ಪ್ರೇಮಿಗಳ ಸಂಬಂಧ ಮನೆಯವರಿಗೆ ಗೊತ್ತಾಗುತ್ತಿದ್ದಂತೇ ಇಬ್ಬರ ಮನೆಯಲ್ಲೂ ಪರಸ್ಪರ ಭೇಟಿಯಾಗದಂತೆ ನಿರ್ಬಂಧ ಹಾಕಲಾಗಿತ್ತು. ಹೀಗಾಗಿ ಪ್ರೇಮಿಗಳು ಮನೆ ಬಿಟ್ಟು ಓಡಿ ಹೋಗಿದ್ದರು. ಇದರಿಂದ ಆಕ್ರೋಶಗೊಂಡ ಹುಡುಗಿಯ ಮನೆಯವರು ಗ್ರಾಮಸ್ಥರ ಸಹಾಯದೊಂದಿಗೆ ಈ ಕೃತ್ಯವೆಸಗಿದ್ದಾರೆ. ಇದೀಗ ಥಳಿತಕ್ಕೊಳಗಾದ ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದಾಳೆ.
