ಬೆಂಗಳೂರು: ಬಿಗ್ ಬಾಸ್ ಕನ್ನಡ 10 ರಲ್ಲಿ ಇದೀಗ ಮನೆಯವರು ಅಡುಗೆ ಮಾಡಲಾಗದೇ ಒದ್ದಾಡುತ್ತಿದ್ದಾರೆ. ಎಲ್ಲರೂ ಬಿಗ್ ಬಾಸ್ ತಮಗೆ ಕೊಟ್ಟ ಶಿಕ್ಷೆ ಇದು ಎಂದೇ ಅಂದುಕೊಂಡಿದ್ದಾರೆ.
ಡ್ರೋಣ್ ಪ್ರತಾಪ್ ಮನೆಯಲ್ಲಿ ಮುದ್ದೆ ಮಾಡಿ ಎಲ್ಲರಿಗೂ ಉಣಬಡಿಸಿದ್ದರು. ಇದಾದ ಬಳಿಕ ಮನೆಯಲ್ಲಿ ಇದ್ದಕ್ಕಿದ್ದಂತೆ ಗ್ಯಾಸ್ ಕನೆಕ್ಷನ್ ಕಟ್ ಆಗಿದೆ. ಹೀಗಾಗಿ ಎಲ್ಲರೂ ಪ್ರತಾಪ್ ಮುದ್ದೆ ಮಾಡಿದ್ದಕ್ಕೇ ಹೀಗಾಗಿದೆ ಎಂದುಕೊಂಡಿದ್ದರು.
ಆದರೆ ಗ್ಯಾಸ್ ಕನೆಕ್ಷನ್ ಕಟ್ ಆಗಿದ್ದರ ಹಿಂದೆ ಮತ್ತೊಂದು ಟ್ವಿಸ್ಟ್ ಇದೆ. ಕಿಚ್ಚ ಸುದೀಪ್ ಸ್ಪರ್ಧಿಗಳಿಗೆ ಸ್ವತಃ ಅಡುಗೆ ಮಾಡಿ ಬಡಿಸಲಿದ್ದಾರಂತೆ. ಕಿಚ್ಚನ ಕೈ ರುಚಿ ಮನೆಯವರಿಗೆ ಸಿಗಲಿದೆ. ಇದೇ ಕಾರಣಕ್ಕೆ ಗ್ಯಾಸ್ ಕನೆಕ್ಷನ್ ಕಟ್ ಮಾಡಿ ಟ್ವಿಸ್ಟ್ ನೀಡಲಾಗಿದೆ ಎನ್ನಲಾಗಿದೆ.
ಈ ಬಗ್ಗೆ ನಾಳೆಯ ಎಪಿಸೋಡ್ ನಲ್ಲಿ ಸುಳಿವು ಸಿಗುವ ಸಾಧ‍್ಯತೆಯಿದೆ. ಕಿಚ್ಚ ಸುದೀಪ್ ಪ್ರತೀ ಬಾರಿ ಬಿಗ್ ಬಾಸ್ ಶೋನಲ್ಲಿ ಸ್ಪರ್ಧಿಗಳಿಗೆ ತಮ್ಮ ಕೈಯಾರೆ ಅಡುಗೆ ಮಾಡಿ ಕಳುಹಿಸುತ್ತಾರೆ. ಈ ಬಾರಿಯೂ ಸ್ಪರ್ಧಿಗಳಿಗೆ ಅವರು ಮಾಡಿದ ಅಡುಗೆ ತಲುಪಿದೆ ಎನ್ನಲಾಗಿದೆ.
