ಬೆಂಗಳೂರು: ಕೊರೋನಾವೈರಸ್ ಭೀತಿಯಿಂದಾಗಿ ಸಿನಿಮಾ ರಂಗಕ್ಕೆ ಹೊಡೆತ ಬಿದ್ದಿದೆ. ಅತ್ತ ಥಿಯೇಟರ್ ಗಳು ಬಂದ್ ಆಗಿದ್ದರೆ, ಚಿತ್ರೀಕರಣವೂ ಸ್ಥಗಿತವಾಗಿದೆ. ಇದೀಗ ಧಾರವಾಹಿಗಳಿಗೂ ಇದೇ ಗತಿಯಾಗಲಿದೆ ಎನ್ನಲಾಗಿದೆ.
ಕೊರೋನಾ ಹರಡುವುದನ್ನು ತಡೆಯಲು ಎಲ್ಲಾ ರೀತಿಯ ಚಿತ್ರೀಕರಣಗಳನ್ನೂ ತಕ್ಷಣವೇ ಸ್ಥಗಿತಗೊಳಿಸಬೇಕೆಂದು ಇಂಡಿಯನ್ ಮೋಷನ್ ಪಿಕ್ಚರ್ ಪ್ರೊಡ್ಯೂಸರ್ಸ್ ಅಸೋಸಿಯೇಷನ್ ಆದೇಶ ನೀಡಿದೆ.
ಹೀಗಾಗಿ ಇದು ಧಾರವಾಹಿಗಳ ಚಿತ್ರೀಕರಣಕ್ಕೂ ತಟ್ಟುವ ಸಾಧ‍್ಯತೆಯಿದೆ. ದಿನನಿತ್ಯ ಚಿತ್ರೀಕರಣ ನಡೆಸದೇ ಇದ್ದರೆ ಪ್ರತಿದಿನ ಎಪಿಸೋಡ್ ಪ್ರಸಾರ ಕಷ್ಟ. ಹೀಗಾಗಿ ಒಂದು ವೇಳೆ ಚಿತ್ರೀಕರಣ ಸ್ಥಗಿತಗೊಳಿಸಿದರೆ ಧಾರವಾಹಿ ಪ್ರಸಾರವೂ ನಿಲ್ಲಲಿದೆ.
