ಹಾಲಿವುಡ್ ಹಾಟ್ ಲೇಡಿ ಎಂಜಲಿನ ಜೋಲಿ ತನ್ನ ಆರೋಗ್ಯದ ವಿಷಯದಲ್ಲಿ ಎಂದಿಗೂ ಕಾಂಪ್ರಮೈಸ್ ಆಗೋದೇ ಇಲ್ಲ. ಭವಿಷ್ಯದಲ್ಲಿ ತನಗೆ ಕ್ಯಾನ್ಸರ್ ಉಂಟಾಗ ಬಹುದು ಎನ್ನುವ ಭಯದಲ್ಲಿ ಮೂರು ಆಪರೇಶನ್ ಮಾಡಿಸಿಕೊಳ್ಳ ಬೇಕು ಎನ್ನುವ ನಿರ್ಧಾರಕ್ಕೆ ಬಂದಳು ಆಕೆ. ಆರೀತಿಯ ನಿರ್ಧಾರ ಕೈಗೊಳ್ಳಲು ಸಹ ಒಂದು ಕಾರಣ ಇದೆ.
ಕೆಲವು ಕಾಯಿಲೆಗಳು ವಂಶಪಾರಂಪರ್ಯವಾಗಿ ಬರುವ ಸಂಗತಿ ನಿಮಗೆ ತಿಳಿದೇ ಇದೆ. ಅದೇ ರೀತಿ ಎಂಜಲಿನ ಅವರ ಕುಟುಂಬದಲ್ಲಿ ಸಾಕಷ್ಟು ಮಂದಿ ಕ್ಯಾನ್ಸರ್ ಕಾಯಿಲೆಯಿಂದ ಬಳಲಿದ್ದಾರೆ . ಆಕೆ ಅಜ್ಜಿ, ತಾಯಿ, ಅತ್ತೆ ಎಲ್ಲರೂ ಈ ಕಾಯಿಲೆಗೆ ತುತ್ತಾದವರು. ಆದ್ದರಿಂದ ಇದು ತನ್ನನು ಸಹ ಬಿಡದು ಎಂದು ತಿಳಿದಿರುವ ಈ ಚೆಲುವೆ ಮೊದಲೇ ಪರೀಕ್ಷೆ ಮಾಡಿಸಿಕೊಂಡಿದ್ದಾರೆ. ಆಕೆ ಅಂದು ಕೊಂಡಂತೆ ಆಗಿದೆ. ಆಕೆಗೆ ಶೇ. 87ರಷ್ಟು ಮತ್ತು ಶೇ. 50ರಷ್ಟು ಸ್ತನ ಕ್ಯಾನ್ಸರ್ ಉಂಟಾಗುವ ಸಾಧ್ಯತೆ ಹೆಚ್ಚು ಎಂದು ವೈದ್ಯಕೀಯ ತಪಾಸಣೆಯಿಂದ ತಿಳಿದು ಬಂದಿದೆ.ಅಲ್ಲದೆ ಓವೆರಿಯನ್ ಕ್ಯಾನ್ಸರ್ ಸಹ ಆಗುವ ಸಭವ ಇದೆ ಎನ್ನುವುದು ಸಹ ಖಚಿತ ವಾಗಿದೆ. ಮುಂದೆ ತೊಂದರೆ ಎದುರಾದಾಗ ಚಿಂತೆ ಮಾಡುವುದಕ್ಕಿಂತ , ಈಗಲೇ ನಿರ್ಧಾರ ತೆಗೆದುಕೊಳ್ಳುವುದು ಒಳಿತು ಎಂದು ಭಾವಿಸಿದ ಈಕೆ ಆರಂಭದಲ್ಲಿ ಮಾಸೆಕ್ಟಮಿ ಮಾಡಿಸಿಕೊಂಡರು.
ಅದಾದ ಬಳಿಕ ಬ್ರೆಸ್ಟ್ ಇಂಪ್ಲಾಂಟ್ ಸಹ ಮಾಡಿಸಿಕೊಂಡರು. ಈ ಎರಡು ಚಿಕಿತ್ಸೆಗಳು ಉತ್ತಮ ಫಲಿತಾಂಶ ನೀಡಿದ ಕಾರಣ ಈಗ ಮೂರನೇ ಶಸ್ತ್ರ ಚಿಕಿತ್ಸೆ ಮಾಡಿಸಿಕೊಳ್ಳಲು ಸಿದ್ಧ ಆಗಿದ್ದಾರೆ ಇವರು. ಓವೆರಿಯನ್ ಕ್ಯಾನ್ಸರ್ ಉಂಟಾಗುವ ಸಂಭವ ಇದೆಯೆಂದು ಅದನ್ನು ತೆಗೆಸಿ ಬಿಡುವ ನಿರ್ಧಾರಕ್ಕೆ ಬಂದಿದ್ದಾರೆ ಎಂಜಲಿನ. ಈ ಶಸ್ತ್ರ ಚಿಕಿತ್ಸೆಯಿನದ ತಾನು ದುಃಖಿತ ಳಾಗುವುದಿಲ್ಲ ಎಂದಿರುವ ಎಂಜಲಿನ ಜೋಲಿ ಎಲ್ಲ ವಿಷಯದಲ್ಲೂ ಆದರ್ಶವಾಗಿ ನಿಲ್ತಾರೆ!
