ಸೆಲೆಬ್ರಿಟಿ ಕ್ರಿಕೆಟ್ ಲೀಗ್ ಕ್ಯಾಲೆಂಡರಿನಲ್ಲಿ ಹಾಲುಗೆನ್ನೆಯ ಹುಡುಗಿ ಐಂದ್ರಿತಾ ರೇ ಬಿಕಿನಿ ಹಾಕಿದ್ದನ್ನು ನೋಡಿ ಜೊಲ್ಲು ಸುರಿಸಿದ ಪಡ್ಡೆಗಳಿಗೆ ದೊಡ್ಡ ನಿರಾಸೆಯ ಸುದ್ದಿಯಿದು. ಆಕೆ ಸಿನಿಮಾದಲ್ಲಿ ಬಿಕಿನಿ ಹಾಕಲ್ವಂತೆ, ಅಂತಹ ಹುಡುಗಿ ತಾನಲ್ಲ ಅಂತಾನೂ ಐಂದ್ರಿತಾ ಹೇಳಿಕೊಂಡಿದ್ದಾರೆ!
ಅಲ್ಲಲ್ಲಿ ತುಂಡು ಬಟ್ಟೆಗಳನ್ನು ಅಂಟಿಸಿದ್ದಾರೋ ಎಂಬಂತೆ ಐಂದ್ರಿತಾ ಸಿಸಿಎಲ್ ಕ್ಯಾಲೆಂಡರಿನಲ್ಲಿ ಮಾದಕವಾಗಿ ಪೋಸ್ ನೀಡಿದ್ದರು. ಇದರಿಂದ ಅವರ ಅಭಿಮಾನಿಗಳು ಸಿಕ್ಕಾಪಟ್ಟೆ ಖುಷಿಯಾಗಿದ್ದರು. ಮುಂದೆ ಸಿನಿಮಾಗಳಲ್ಲೂ ಇಂತಹುದೇ ಜಬರ್ದಸ್ತ್ ದೃಶ್ಯಗಳನ್ನು ನೋಡಬಹುದು ಅನ್ನೋ ಆಸೆ ಅವರಲ್ಲಿ ಕೆದರಿತ್ತು.
ಆದರೆ ಅವೆಲ್ಲದಕ್ಕೂ ಐಂದ್ರಿತಾ ತಣ್ಣೀರೆರಚಿದ್ದಾರೆ. ಕ್ಯಾಲೆಂಡರಿಗೆ ಹಾಗೆ ಪೋಸು ಕೊಟ್ಟ ಮಾತ್ರಕ್ಕೆ ಸಿನಿಮಾಗಳಿಗೂ ಬಿಕಿನಿ ಹಾಕುತ್ತೇನೆ ಎಂದು ಅರ್ಥವಲ್ಲ ಎಂದಿದ್ದಾರೆ.
PR
ಏನಿದಕ್ಕೆ ಕಾರಣ? ಅಲ್ಲಿ ಹಾಗಿದ್ದ ಮೇಲೆ ಇಲ್ಲಿ ಯಾಕೆ ಹಾಗೆ ಇರೋದಕ್ಕೆ ಆಗೋದಿಲ್ಲ? ಈ ಪ್ರಶ್ನೆಗಳಿಗೆ ಐಂದ್ರಿತಾ ವಿಚಿತ್ರ ವಾದ ಮಂಡಿಸ್ತಾರೆ. ಆಕೆ ಫೋಟೋ ಶೂಟ್‌ಗಾಗಿ ಬಿಕಿನಿ ಹಾಕಿ ನಿಂತುಕೊಂಡದ್ದು ಒಂದು ಸುಂದರ ಆಹ್ಲಾದಕರ ವಾತಾವಾರಣದಲ್ಲಂತೆ. ಹಾಗಾಗಿ ಅಲ್ಲಿ ಕೆಟ್ಟದ್ದನ್ನು ಹುಡುಕಬೇಡಿ. ಇದೇ ರೀತಿ ಸಿನಿಮಾಗಳಲ್ಲೂ ಕಾಣಿಸಿಕೊಳ್ಳುವುದು ಸಾಧ್ಯವಿಲ್ಲ..!
ಅಬ್ಬಬ್ಬಾ... ಅದೇನು ವಾದ ಮಾಡ್ತಾರಲ್ಲ ನಮ್ಮ ಐಂದ್ರಿತಾ ರೇ..?! ಇನ್ನೂ ಇದೆ ನೋಡಿ. ರಾಗಿಣಿ ಸೇರಿದಂತೆ ಕನ್ನಡ ಕೆಲವು ನಟಿಯರು ಬಿಕಿನಿ ಟೀಕೆ ಮಾಡಿರುವುದಕ್ಕೆ ಏನಂದಿದ್ದಾರೆ ಗೊತ್ತಾ? ಇದು ಪ್ರಚಾರಕ್ಕಾಗಿ ಅನುಸರಿಸುವ ಸಿಲ್ಲಿ ಮಾರ್ಗವಂತೆ. ದೇಶದಲ್ಲಿ, ರಾಜ್ಯದಲ್ಲಿ ದೊಡ್ಡ ದೊಡ್ಡ ಸಮಸ್ಯೆಗಳಿರುವಾಗ ಈ ಬಿಕಿನಿ ಸಂಗತಿ ಯಾಕೆ? ನಮ್ಮ ಸುತ್ತ ಮುತ್ತ ಸಾಕಷ್ಟು ಬಡತನವಿದೆ. ಹಾಗಾಗಿ ಬಿಕಿನಿಯಂತಹ ಕ್ಷುಲ್ಲಕ ವಿಚಾರದ ಬಗ್ಗೆ ಚರ್ಚಿಸಿ ಏನಿದೆ ಉಪಯೋಗ?
ಬಡತನ ಮತ್ತು ಬಿಕಿನಿಯನ್ನು ಐಂದ್ರಿತಾ ಜತೆಯಾಗಿಸಿದ್ದು ಹೀಗೆ..!
