ಮುಂಬೈನಲ್ಲಿ 23ನೇ ಸ್ಟಾರ್ ಸ್ಕ್ರೀನ್ ಪ್ರಶಸ್ತಿ ಕಾರ್ಯಕ್ರಮ ಭಾನುವಾರ ಸಂಜೆ ಅದ್ದೂರಿಯಾಗಿ ನೆರವೇರಿತು. ಬಾಲಿವುಡ್ ತಾರೆಗಳ ನೃತ್ಯ ಈ ಪ್ರಶಸ್ತಿ ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಗಿತ್ತು. ಬಾಲಿವುಡ್ ನಟರಾದ ಅಮಿತಾಬ್ ಬಚ್ಚನ್, ಶಾರುಖ್ ಖಾನ್, ದೀಪಿಕಾ ಪಡುಕೋಣೆ, ರೇಖಾ, ಸೋನಂ ಕಪೂರ್ ಜೊತೆಗೆ ಕೆಲವು ಸ್ಟಾರ್‌ಗಳು ಹಾಜರಾದರು.
ಕಪೂರ್ ಅಂಡ್ ಸನ್ಸ್ ಚಿತ್ರದಲ್ಲಿ ಉತ್ತಮ ಪೋಷಕ ನಟ ರಿಷಿ ಕಪೂರ್ ಆಯ್ಕೆಯಾದರೆ, ನೀರಜಾ ಚಿತ್ರಕ್ಕೆ ಶಬಾನಾ ಅಜ್ಮಿ ಉತ್ತಮ ಪೋಷಕ ನಟಿಯಾಗಿ ಆಯ್ಕೆಯಾದರು. ಸಂಗೀತ ವಿಭಾಗದಲ್ಲಿ ಕರಣ್ ಜೋಹರ್ ನಿರ್ದೇಶನ ಮಾಡಿ ಸಾಕಷ್ಟು ವಿವಾದಗಳನ್ನು ಮೈಮೇಲೆ ಎಳೆದುಕೊಂಡು ಬಿಡುಗಡೆಯಾದ ಯೇ ದಿಲ್ ಹೈ ಮುಷ್ಕಿಲ್ ಚಿತ್ರದ ಕೂಡ ಪ್ರಶಸ್ತಿಗೆ ಭಾಜನವಾಯಿತು.
