ರಣಬೀರ್ ಕಪೂರ್, ಐಶ್ವರ್ಯಾ ರೈ, ಅನುಷ್ಕಾ ಶರ್ಮಾ, ಫವಾದ್ ಖಾನ್ ಮುಖ್ಯ ಪಾತ್ರಗಳಲ್ಲಿ ಅಭಿನಯಿಸಿರುವ, ಕರಣ್ ಜೋಹರ್ ಆಕ್ಷನ್ ಕಟ್ ಹೇಳಿರುವ ಚಿತ್ರ ’ಏ ದಿಲ್ ಹೈ ಮುಷ್ಕಿಲ್’. ಅಕ್ಟೋಬರ್ 28ರಂದು ತೆರೆಕಂಡ ಈ ಚಿತ್ರ ಒಳ್ಳೇ ಕಲೆಕ್ಷನ್ ಮಾಡಿಕೊಂಡಿದೆ.
ಕೇವಲ 3.5 ನಿಮಿಷ ಕಾಲಾವಧಿಯ ಈ ವಿಡಿಯೋ ಬಿಡುಗಡೆಯಾದ ಎರಡು ದಿನಗಳಲ್ಲೇ 3 ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ. ಇದರಲ್ಲಿ ಫವಾದ್-ಅನುಷ್ಕ, ಐಶ್ವರ್ಯಾ-ರಣಬೀರ್ ನಡುವಿನ ಕೆಲವು ಸನ್ನಿವೇಶಗಳಿವೆ. ಈ ರೊಮ್ಯಾಂಟಿಕ್ ಸಿನಿಮಾ ಒಳ್ಳೆ ವಿಮರ್ಶೆಗೂ ಪಾತ್ರವಾಗಿತ್ತು. ಉರಿ ಘಟನೆ ಹಿನ್ನೆಲೆಯಲ್ಲಿ ಪಾಕ್ ನಟ ಫವಾದ್ ಖಾನ್ ಈ ಚಿತ್ರದಲ್ಲಿ ಅಭಿನಯಿಸಿದ್ದು ವಿವಾದಕ್ಕೆ ಕಾರಣವಾಗಿತ್ತು.
