ಈ ಹಿಂದೊಮ್ಮೆ ’ಏ ದಿಲ್ ಹೈ ಮುಷ್ಕಿಲ್’ ಚಿತ್ರದಲ್ಲಿ ಐಶ್ವರ್ಯಾ ರೈ ಮತ್ತು ರಣಬೀರ್ ಕಪೂರ್ ರೊಮ್ಯಾಂಟಿಕ್ ಸನ್ನಿವೇಶಗಳಲ್ಲಿ ಅಭಿನಯಿಸಿದ್ದಕ್ಕೆ ಗಂಡ-ಹೆಂಡತಿ ನಡುವೆ ಮನಸ್ತಾಪ ಉಂಟಾಗಿತ್ತು. ಇದಕ್ಕೆ ಸ್ಪಂದಿಸಿದ್ದ ಐಶ್ ಮತ್ತು ಅಭಿ, ಆ ರೀತಿ ಏನಿಲ್ಲ. ವೃತ್ತಿಸಂಬಂಧಿ ವಿಚಾರಗಳಲ್ಲಿ ತಲೆ ಹಾಕಲ್ಲ. ಅದನ್ನು ವೈಯಕ್ತಿಕವಾಗಿ ತೆಗೆದುಕೊಳ್ಳುವುದಿಲ್ಲ ಎಂದಿದ್ದರು.
ಆದರೆ ತನ್ನ ಮಗಳು ಈಗಲೇ ಬೆಳ್ಳಿಪರದೆಗೆ ಅಡಿಯಿಡುವುದು ಐಶ್ವರ್ಯಾ ರೈಗೆ ಸುತಾರಾಂ ಇಷ್ಟವಿಲ್ಲ. ಸ್ವಲ್ಪ ದಿನಗಳ ಮಟ್ಟಿಗೆ ಆರಾಧ್ಯಳನ್ನು ಕ್ಯಾಮೆರಾ ಮುಂದೆ ತರುವುದು ಬೇಡ ಎಂಬುದು ಅವರ ಬಯಕೆ. ಈ ವಿಚಾರವಾಗಿ ಇಬ್ಬರ ನಡುವೆ ಜಗಳ, ಕಿತ್ತಾಟ ಆಗಿದೆ ಎನ್ನುತ್ತಿವೆ ಬಾಲಿವುಡ್ ಮೂಲಗಳು.