ಬಹು ದಿನಗಳ ನಂತರ ಕ್ರೇಜಿಸ್ಟಾರ್ ರವಿಚಂದ್ರನ್ ಅವರು ನಾಯಕನಾಗಿ ಅಭಿನಯಿಸಿರುವ ಸಿನಿಮಾ ಅಪೂರ್ವ. ಎಲ್ಲಾ ಅಂದುಕೊಂಡಂತೆ ಆಗಿದ್ರೆ ಅಪೂರ್ವ ಸಿನಿಮಾ ಈ ಹಿಂದೆಯೇ ರಿಲೀಸ್ ಆಗಬೇಕಿತ್ತು. ಆದ್ರೆ ಕಾರಣಾತರಗಳಿಂದ ಸಿನಿಮಾವ್ನನು ತಡವಾಗಿ ರಿಲೀಸ್ ಮಾಡಿದ್ದಾರೆ ರವಿಚಂದ್ರನ್. ಅಂದ್ಹಾಗೆ ಅಪೂರ್ವ ಸಿನಿಮಾ ರಿಲೀಸ್ ಆದ ಮೊದಲ ಸಿನಿಮಾಕ್ಕೆ ರವಿಚಂದ್ರನ್ ಅಭಿಮಾನಿಗಳಿಂದ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ.
ಅಂದ್ಹಾಗೆ ಅಪೂರ್ವ ಸಿನಿಮಾ 19 ವರ್ಷದ ಹುಡುಗಿ ಅಪೂರ್ವ ಹಾಗೂ 61 ವರ್ಷದ ರಾಜಶೇಖರ್ ನಡುವೆ ನಡೆಯುವ ಪ್ರೇಮಕಥೆ ಆಧಾರಿತ ಸಿನಿಮಾ. ಇಬ್ಬರ ನಡುವಿನ ಪ್ರೇಮಕಥೆಯೇ ಸಿನಿಮಾದ ಕಥಾವಸ್ತು. ಈ ಹಿಂದೆ ಹಿಂದಿಯಲ್ಲಿ ಅಮಿತಾಬ್ ಬಚ್ಚನ್ ಅವರು ಅಭಿನಯಿಸಿದ್ದ ಚಿನಿ ಕಮ್ ಸಿನಿಮಾವನ್ನೇ ಇದು ಹೋಲುತ್ತದೆ.ಅಂದ್ಹಾಗೆ ಈ ಸಿನಿಮಾವನ್ನು ತುಂಬಾ ಮುತುವರ್ಜಿ ವಹಿಸಿ ರವಿಚಂದ್ರನ್ ಅವರು ಮಾಡಿದ್ದಾರೆ.
ಇನ್ನು ಸಿನಿಮಾದಲ್ಲಿ ರವಿಚಂದ್ರನ್ ಅವರು ಕೆಲ ಫಿಲಾಸಫಿಗಳನ್ನೂ ಹೇಳಿದ್ದಾರೆ .ಅಂದ್ಹಾಗೆ ಸಿನಿಮಾದ ಛಾಯಾಗ್ರಹಣ ತುಂಬಾನೇ ಅದ್ಧೂರಿಯಾಗಿ ಮೂಡಿ ಬಂದಿದೆ. ಛಾಯಾಗ್ರಾಹಕ ಜಿ.ಎಸ್.ವಿ.ಸೀತಾರಾಂ, ಸಂಗೀತ ನಿರ್ದೇಶಕ ಗೌತಮ್ ಶ್ರೀವತ್ಸ ಮತ್ತು ಸಂಕಲನಕಾರ ರವಿಚಂದ್ರನ್ ಉತ್ತಮವಾಗಿ ತಮ್ಮ ಕೆಲಸವನ್ನ ನಿಭಾಯಿಸಿದ್ದಾರೆ.ಒಟ್ಟಿನಲ್ಲಿ 'ಅಪೂರ್ವ' ಚಿತ್ರ ದೃಶ್ಯ ವೈಭವದಿಂದ ಹೆಚ್ಚು ಗಮನಸೆಳೆಯುತ್ತದೆ.
