ಉತ್ತಮ ಪ್ರಶಂಸೆಗೂ ಪಾತ್ರವಾಗಿರುವ ಈ ಸ್ಫೋರ್ಟ್ಸ್ ಡ್ರಾಮಾ ಸಿನಿಮಾ ವಿಶ್ವದಾದ್ಯಂತ ಒಳ್ಳೆ ಕಲೆಕ್ಷನ್ ಮಾಡುತ್ತಿದೆ. ಸ್ವದೇಶದಲ್ಲಿ ರೂ.270 ಕೋಟಿ, ವಿದೇಶದಲ್ಲಿ ರೂ.141 ಕೋಟಿ ಕಲೆಕ್ಷನ್ ಮಾಡಿದೆ. ಒಟ್ಟು ರೂ.411 ಕೋಟಿ ಕಲೆಕ್ಷನ್ ಮಾಡುವ ಮೂಲಕ ಮತ್ತೆ ಅಮೀರ್ ಖಾನ್ ತಮ್ಮ ಪ್ರಾಬಲ್ಯ ಮೆರೆದಿದ್ದಾರೆ.
ಡಿಸೆಂಬರ್ 23ರಂದು ಬಿಡುಗಡೆಯಾದ ದಂಗಲ್ ಮೊದಲ ವಾರ ದೇಶೀಯ ಮಾರುಕಟ್ಟೆಯಲ್ಲಿ ರೂ.197.53 ಕೋಟಿ ವಸೂಲಿ ಮಾಡಿತು. 2016ರಲ್ಲಿ ಮೊದಲ ವಾರದಲ್ಲಿ ಅತ್ಯಧಿಕ ಕಲೆಕ್ಷನ್ ಮಾಡಿದ ಚಿತ್ರವಾಗಿ ’ದಂಗಲ್’ ದಾಖಲೆ ನಿರ್ಮಿಸಿದೆ. ಹರ್ಯಾಣದ ಭಿವಾನಿ ಜಿಲ್ಲೆಯ ಕುಗ್ರಾಮದ ಕುಸ್ತಿಪಟು ಮಹಾವೀರ್ ಸಿಂಗ್ ಫೋಗಟ್ ಜೀವನಕಥೆ ಆಧಾರಿತ ಸಿನಿಮಾ ಇದು. ನಿತಿಶ್ ತಿವಾರಿ ಆಕ್ಷನ್ ಕಟ್ ಹೇಳಿದ್ದು, ಸಾಕ್ಷಿ ತನ್ವಾರ್, ಫಾತಿಮಾ ಸನಾ ಶೇಕ್, ಸನ್ಯಾ ಮಲ್ಹೋತ್ರಾ, ಅಪರ್‍‌ಶಕ್ತಿ ಖುರಾನ್ ಮುಂತಾದವರು ತಾರಾಬಳಗದಲ್ಲಿದ್ದಾರೆ.
