ಬಾಲಿವುಡ್ ನಟಿ ವಿದ್ಯಾ ಬಾಲನ್, ಅರ್ಜುನ್ ರಾಮ್ ಪಾಲ್ ಮುಖ್ಯ ಪಾತ್ರಗಳಲ್ಲಿ ಅಭಿನಯಿಸಿರುವ ಚಿತ್ರ ಕಹಾನಿ 2. ಉತ್ತರ ಪ್ರದೇಶ ಸರಕಾರ ಈ ಚಿತ್ರಕ್ಕೆ ಮನರಂಜನಾ ತೆರಿಗೆಯಿಂದ ವಿನಾಯಿತಿ ನೀಡಿದೆ ಎಂದು ವಿದ್ಯಾ ಬಾಲನ್ ಟ್ವೀಟ್ ಮಾಡುವ ಮೂಲಕ ಅಭಿಮಾನಿಗಳಿಗೆ ತಿಳಿಸಿದ್ದಾರೆ.
ಡಿಸೆಂಬರ್ 2ರಂದು ಬಿಡುಗಡೆಯಾದ ಕಹಾನಿ 2 ಚಿತ್ರಕ್ಕೆ ದುರ್ಗಾ ರಾಣಿ ಸಿಂಗ್ ಎಂಬ ಅಡಿಬರಹ ಇದೆ. ಸುಮಾರು ರು.17 ಕೋಟಿಯಲ್ಲಿ ನಿರ್ಮಿಸಿರುವ ಈ ಚಿತ್ರ ಬಾಕ್ಸ್ ಆಫೀಸಲ್ಲು ರು. 51 ಕೋಟಿ ಬಾಚಿಕೊಂಡಿದೆ. ವಿಮರ್ಶಕರ ವಲಯದಿಂದ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದರೂ, ಪ್ರೇಕ್ಷಕರು ಚಿತ್ರವನ್ನು ಒಪ್ಪಿದ್ದಾರೆ.
