ಆನ್‌ಲೈನ್ ಪೈರಸಿ ಇಂದು ಚಿತ್ರೋದ್ಯಮಕ್ಕೆ ಸಾಕಷ್ಟು ನಷ್ಟ ಉಂಟುಮಾಡುತ್ತಿದೆ. ಶಾರುಖ್ ಖಾನ್ ಅಭಿನಯದ ರಯೀಸ್, ಅಮೀರ್ ಖಾನ್‌ರ ದಂಗಲ್ ಇತ್ತೀಚೆಗೆ ಆನ್ಲೈನ್ನಲ್ಲಿ ಲೀಕ್ ಆಗಿದ್ದವು. ಈಗ ’ರಂಗೂನ್’ ಚಿತ್ರದ ಸರದಿ. ಸಂಪೂರ್ಣ ಚಿತ್ರವನ್ನು ಕಿಡಿಗೇಡಿಗಳು ಆನ್ಲೈನ್ನಲ್ಲಿ ಹಾಕಿದ್ದಾರೆ.
ಈಗ ಸಿನಿಮಾ ಆನ್ಲೈನ್ನಲ್ಲಿ ಲೀಕ್ ಆಗಿರುವ ಕಾರಣ ಚಿತ್ರದ ಗಳಿಕೆ ಇನ್ನಷ್ಟು ಕುಸಿತ ಕಂಡಿದೆ. ಪೈರಸಿ ಮಾಡುತ್ತಿರುವವರನ್ನು ಕಂಡುಹಿಡಿಯಲು ಚಿತ್ರತಂಡ ಪ್ರಯತ್ನಿಸುತ್ತಿದೆ. ಎರಡನೇ ಮಹಾಯುದ್ಧದ ಹಿನ್ನೆಲೆಯಲ್ಲಿ ಸಾಗುವ ಕಥಾಹಂದರನ್ನು ರಂಗೂನ್ ಒಳಗೊಂಡಿದೆ. ವಿಶಾಲ್ ಭಾರದ್ವಾಜ್ ಆಕ್ಷನ್ ಕಟ್ ಹೇಳಿರುವ ಚಿತ್ರದಲ್ಲಿ ಸೈಫ್ ಆಲಿ ಖಾನ್, ಶಾಹಿದ್ ಕಪೂರ್, ಕಂಗನಾ ರನೌತ್ ಅಭಿನಯಿಸಿದ್ದಾರೆ.
