ತುಂಬು ಗರ್ಭಿಣಿ ಸೆಲಿನಾ ಬಿಕನಿ ಫೋಟೊ ಪೋಸ್ಟ್ ಮಾಡಲು ಕಾರಣವೇನಂತೆ ಗೊತ್ತಾ..

ಮುಂಬೈ:ಬಾಲಿವುಡ್‌ ನಟಿ ಸೆಲಿನಾ ಜೇಟ್ಲಿ ಎರಡನೇ ಬಾರಿಗೆ ತಾಯಿಯಾಗುತ್ತಿದ್ದಾರೆ. ಅದೂ ಮತ್ತೊಮ್ಮೆ ಅವಳಿ ಮಕ್ಕಳಿಗೆ ಜನ್ಮ ನೀಡುತ್ತಿದ್ದಾರೆ ಎಂಬುದು ವಿಶೇಷ. ಇನ್ನೂ ವಿಶೇಷವೆಂದರೆ ತುಂಬು ಗರ್ಭಿಣಿಯಾದ ಸೆಲಿನಾ, ಬಿಕಿನಿ ಧರಿಸಿ ಬೀಚ್‌ನಲ್ಲಿ ನಿಂತಿರುವ ಫೋಟೋವನ್ನು ತನ್ನ ಇನ್ಸ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ. 

ಗರ್ಭವತಿ ಸಂದರ್ಭದಲ್ಲಿ ಈ ರೀತಿ ಬಿಕಿನಿ ಧರಿಸಿದ ಫೋಟೋವನ್ನು ಯಾಕೆ ಪೋಸ್ಟ್‌ ಮಾಡುತ್ತಿದ್ದಾಳೆ ಎಂದು ಕೆಲವರಿಗೆ ಅನಿಸಬಹುದು. ಸಮಾಜದಲ್ಲಿ ಮಹಿಳೆಯ ಕುರಿತಾದ ಒಂದು ರೀತಿಯ ಕೀಳರಿಮೆಯನ್ನು ಮುರಿಯಲು ಬಯಸುತ್ತೇನೆ ಅದಕ್ಕಾಗಿ ಈ ಫೋಟೋ ಹಾಕಿದ್ದೇನೆ ಎಂದು ಸೆಲಿನಾ ಹೇಳಿದ್ದಾಳೆ.

ಇಷ್ಟಕ್ಕೂ ಈ ಫೋಟೊವನ್ನು ಇತ್ತೀಚೆಗಷ್ಟೆ ಪತಿ ಹಾಗೂ ಮಕ್ಕಳ ಜೊತೆಗೆ ಸೆಲಿನಾ ಪ್ರವಾಸ ಹೋಗಿದ್ದಳಂತೆ. ಆಗ ಪತಿ ಪೀಟರ್ ಈ ಫೋಟೋ ಕ್ಲಿಕ್ಕಿಸಿದ್ದಾರೆ ಎಂದು ಸೆಲಿನಾ ತಿಳಿಸಿದ್ದಾಳೆ. ಇಬ್ಬರಿಗೂ ಮಕ್ಕಳ ಜವಬ್ದಾರಿ ಬಗ್ಗೆ ಅರಿವಿದೆ. ಹೆತ್ತವರಾಗಿ ನಮ್ಮ ಜವಬ್ದಾರಿಯನ್ನು ಚೆನ್ನಾಗಿ ನಿಭಾಯಿಸುತ್ತಿದ್ದೇವೆ. ಫ್ಯಾಮಿಲಿ ಲೈಫ್‌ ಎಂಜಾಯ್‌ ಮಾಡುತ್ತಿದ್ದೇನೆ ಎಂದು ಹೇಳಿದ್ದಾರೆ. 35 ವರ್ಷದ ಸೆಲಿನಾ ಪೀಟರ್ ದಂಪತಿಗೆ ಈಗಾಗಲೇ 5 ವರ್ಷದ ವಿಂಟ್ಸನ್‌ ಹಾಗೂ ವಿರಾಜ್‌ ಎನ್ನುವ ಅವಳಿ ಗಂಡು ಮಕ್ಕಳಿದ್ದಾರೆ. ಈಗ ಮತ್ತೆ ಅವಳಿ ಮಕ್ಕಳ ನಿರೀಕ್ಷೆಯಲ್ಲಿರುವುದು ವಿಶೇಷ.