ಜತೆಯಾಗಿ ಶಾರುಖ್- ಅಮಿರ್; 25 ವರ್ಷಗಳಲ್ಲಿ ತೆಗೆಸಿಕೊಂಡ ಏಕೈಕ ಫೋಟೋ
ಶನಿವಾರ, 11 ಫೆಬ್ರವರಿ 2017 (14:36 IST)
ಬಾದಶಾ ಶಾರುಖ್ ಖಾನ್ ಮತ್ತು ಮಿ. ಪರ್ಫೆಕ್ಷನಿಸ್ಟ್ ಅಮಿರ್ ಖಾನ್ ಕಳೆದ ಮೂರು ದಶಕಗಳಿಂದ ಬಾಲಿವುಡ್‌ ಸಾಮ್ರಾಜ್ಯಾಧಿಪತಿಗಳಾಗಿ ಮೆರೆಯುತ್ತಿದ್ದಾರೆ. ಭಾರತೀಯ ಚಿತ್ರರಂಗದ ಸೂಪರ್ ಸ್ಟಾರ್‌ಗಳಲ್ಲಿ ಗುರುತಿಸಿಕೊಂಡಿರುವ ಇವರಿಬ್ಬರು ಜತೆಗಿರುವ, ಪರಷ್ಪರ ಅಂಟಿಕೊಂಡಿರುವ ಫೋಟೋವನ್ನು ಎಂದಾದರೂ ನೋಡಿದ್ದೀರಾ?
ಇಲ್ಲ ಎನ್ನುತ್ತೀರಾ? ದಿಗ್ಗಜರಿಬ್ಬರನ್ನು ಒಟ್ಟಿಗೆ ನೋಡಬೇಕು ಎಂಬುದು ನಿಮ್ಮ ಬಯಕೆ ಆಗಿದ್ದರೆ ನೀವೀಗ ಅದಕ್ಕೆ ಕಾಯಬೇಕಾಗಿಲ್ಲ. ನಿನ್ನೆ ರಾತ್ರಿ ಶಾರುಖ್ ಒಂದು ಕೂಲ್ ಸೆಲ್ಫಿಯನ್ನು ಟ್ವೀಟ್ ಮಾಡಿದ್ದಾರೆ. ಅದರಲ್ಲಿ ಅವರ ಜತೆ ಇರುವವರು ಬೇರೆ ಯಾರೂ ಅಲ್ಲ. ಅಮಿರ್ ಖಾನ್.
ಟ್ವೀಟ್ ಮಾಡಿದ 7 ಗಂಟೆಯೊಳಗೆ 45ಸಾವಿರಕ್ಕಿಂತಲೂ ಹೆಚ್ಚು ಲೈಕ್ಸ್, 5,600 ರಿಟ್ವೀಟ್‌ಗಳನ್ನು ಕಂಡಿದೆ ಈ ಫೋಟೋ.
ಕಳೆದ 25 ವರ್ಷಗಳಿಂದಲೂ ಪರಷ್ಪರ ಪರಿಚಯವಿದ್ದರೂ ನಾವಿಬ್ಬರು ಜತೆಯಲ್ಲಿ ತೆಗೆಸಿಕೊಂಡ ಮೊದಲ ಫೋಟೋವಿದು ಎಂದು ಈ ಚಿತ್ರದಡಿ ಶಾರುಖ್ ಬರೆದಿದ್ದಾರೆ.
