ಮೊದಲ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಬೃಹತ್ ಮೊತ್ತಕ್ಕೆ ಕಡಿವಾಣ ಹಾಕಲಾರದೇ ಟೀಂ ಇಂಡಿಯಾ ಸೋಲನುಭವಿಸಿತ್ತು. ಈ ಪಂದ್ಯದಲ್ಲಿ ಭಾರತ ಗೆಲ್ಲಬೇಕಾದರೆ ಆಸ್ಟ್ರೇಲಿಯಾದ ಸಬಲ ಬ್ಯಾಟಿಂಗ್ ಗೆ ಕಡಿವಾಣ ಹಾಕಲೇಬೇಕು. ಜತೆಗೆ ಮಧ್ಯಮ ಕ್ರಮಾಂಕದಲ್ಲಿ ಆಧಾರವಾಗಬೇಕಿರುವ ಶ್ರೇಯಸ್ ಐಯರ್, ಕೆಎಲ್ ರಾಹುಲ್ ರಿಂದ ಉತ್ತಮ ಜತೆಯಾಟ ಬೇಕು. ಭಾರತಕ್ಕಿರುವ ಇನ್ನೊಂದು ದೊಡ್ಡ ತಲೆನೋವೆಂದರೆ ವಿರಾಟ್ ಕೊಹ್ಲಿ ಫಾರ್ಮ್. ಐಪಿಎಲ್ ನ ಕಳಪೆ ಫಾರ್ಮ್ ನ್ನು ಕೊಹ್ಲಿ ಇಲ್ಲೂ ಮುಂದುವರಿಸಿದ್ದು ಅವರು ರನ್ ಗಳಿಸದೇ ಇದ್ದರೆ ದೊಡ್ಡ ಮೊತ್ತ ಗಳಿಸುವುದು ಕಷ್ಟವಾಗಲಿದೆ. ಪಂದ್ಯ ಭಾರತೀಯ ಸಮಯ ಬೆಳಿಗ್ಗೆ 9.10 ಕ್ಕೆ ಆರಂಭವಾಗಲಿದೆ.
