ಮುಂಬೈ: ಟೆನಿಸ್ ಲೋಕದ ದಿಗ್ಗಜ ಆಟಗಾರ ನೊವಾಕ್ ಜೊಕೊವಿಕ್ ಭಾರತೀಯ ಕ್ರಿಕೆಟ್ ತಾರೆ ವಿರಾಟ್ ಕೊಹ್ಲಿಯನ್ನು ಒಮ್ಮೆ ನೋಡಬೇಕೆಂಬ ಬಯಕೆ ವ್ಯಕ್ತಪಡಿಸಿದ್ದಾರೆ.
ಕೊಹ್ಲಿ ಕ್ರಿಕೆಟ್ ದಿಗ್ಗಜನಾದರೆ ಜೊಕೊವಿಕ್ ಟೆನಿಸ್ ಲೋಕದ ದಾಖಲೆಯ ವೀರ. ಇದೀಗ ಜೊಕೊವಿಕ್ ಕ್ರಿಕೆಟ್ ಲೋಕದ ಕಿಂಗ್ ಕೊಹ್ಲಿ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿದ್ದಾರೆ.
ನಾನು ಮತ್ತು ಕೊಹ್ಲಿ ಅನೇಕ ಬಾರಿ ಪರಸ್ಪರ ಸಂದೇಶ ವಿನಿಮಯ ಮಾಡಿದ್ದೇವೆ. ಆದರೆ ಇದುವರೆಗೆ ಅವರನ್ನು ನನಗೆ ಮುಖತಃ ಭೇಟಿಯಾಗುವ ಅವಕಾಶ ಸಿಕ್ಕಿಲ್ಲ. ಅವರೆಂದರೆ ನನಗೆ ಅಪಾರ ಗೌರವವಿದೆ. ನನ್ನ ಅವರು ಬಗ್ಗೆ ಒಳ್ಳೆಯ ಮಾತುಗಳನ್ನಾಡಿದ್ದನ್ನು ಕೇಳಿ ನಿಜಕ್ಕೂ ಧನ್ಯನಾಗಿದ್ದೇನೆ. ಕೊಹ್ಲಿಯನ್ನು ಒಮ್ಮೆ ಭೇಟಿಯಾಗುವ ಆಸೆಯಿದೆ’ ಎಂದಿದ್ದಾರೆ.
ಕೇವಲ ಕೊಹ್ಲಿ ಮಾತ್ರವಲ್ಲ, ಭಾರತದ ಬಗ್ಗೆಯೂ ಜೊಕೊವಿಕ್ ಹೊಗಳಿಕೆಯ ಮಾತನಾಡಿದ್ದಾರೆ. ನಾನು ಸದ್ಯದಲ್ಲೇ ಭಾರತ ಪ್ರವಾಸ ಮಾಡಲು ಬಯಸುತ್ತೇನೆ. ಇಲ್ಲಿನ ಜಾಗಗಳಿಗೆ ನಾನು ಭೇಟಿ ಕೊಡಬೇಕು. ಭಾರತಕ್ಕೆ ಬರುವಾಗ ನಾನು ಸ್ವಲ್ಪ ಕ್ರಿಕೆಟ್ ಕಲಿತು ಬರಬೇಕು ಎಂದಿದ್ದಾರೆ.
