ಕಟಕ್ ನಲ್ಲಿ ಸೋಲಿಗೆ ಕಾರಣ ನೀಡಿದ ರಿಷಬ್ ಪಂತ್
ಭಾರತ ನೀಡಿದ್ದ 149 ರನ್ ಗಳ ಸುಲಭ ಗುರಿ ಬೆನ್ನತ್ತಿದ ಆಫ್ರಿಕಾ 18.2 ಓವರ್ ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 149 ರನ್ ಗಳ ಗುರಿ ತಲುಪಿತು. ಆಫ್ರಿಕಾ ಪರ ಕ್ಲಾಸೆನ್ 81 ರನ್ ಗಳ ಇನಿಂಗ್ಸ್ ಆಡಿದರು. ತೆಂಬಾ ಬವುಮಾ 35 ರನ್ ಗಳ ಕೊಡುಗೆ ನೀಡಿದರು.
ಈ ಸೋಲಿನ ಬಳಿಕ ಮಾತನಾಡಿದ ರಿಷಬ್ ಪಂತ್ ‘ನಾವು 10-15 ರನ್ ಕೊರತೆ ಅನುಭವಿಸಿದೆವು. ಅಲ್ಲದೆ ಭುವನೇಶ್ವರ್ ಕುಮಾರ್ ಸೇರಿದಂತೆ ಬೌಲರ್ ಗಳು ಆರಂಭದ 7-8 ಓವರ್ ಉತ್ತಮ ದಾಳಿ ಸಂಘಟಿಸಿದ್ದರು. ಅದಾದ ಬಳಿಕ ನಿಯಂತ್ರಣ ಕಳೆದುಕೊಂಡಿದ್ದರಿಂದ ಸೋಲಬೇಕಾಯಿತು’ ಎಂದಿದ್ದಾರೆ. ಈ ಸೋಲಿನೊಂದಿಗೆ ಭಾರತ ಐದು ಪಂದ್ಯಗಳ ಸರಣಿಯಲ್ಲಿ 0-2 ರಿಂದ ಹಿನ್ನಡೆ ಅನುಭವಿಸಿತು.
