ರಾಂಚಿ: ಕ್ರಿಕೆಟ್ ನಿಂದ ನಿವೃತ್ತಿಯಾದ ಮೇಲೆ ಸಂಪೂರ್ಣವಾಗಿ ತಮ್ಮ ಫಾರ್ಮ್ ಹೌಸ್ ನಲ್ಲಿ ಕೃಷಿ ಕೆಲಸಗಳಲ್ಲಿ ತೊಡಗಿಸಿಕೊಂಡಿರುವ ಮಹೇಂದ್ರ ಸಿಂಗ್ ಧೋನಿ ಈಗ ಈ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆಯಿಟ್ಟಿದ್ದಾರೆ.
ತಮ್ಮ ಫಾರ್ಮ್ ಹೌಸ್ ನಲ್ಲಿ ಬೆಳೆದ ಸಾವಯವ ತರಕಾರಿಗಳನ್ನು ಧೋನಿ ದುಬೈಗೆ ರಫ್ತು ಮಾಡಲಿದ್ದಾರೆ. ಇದಕ್ಕೆ ಜಾರ್ಖಂಡ್ ಕೃಷಿ ಇಲಾಖೆಯೂ ಧೋನಿ ಜೊತೆ ಕೈ ಜೋಡಿಸಿದೆ. ಈ ಸಂಬಂಧ ಕೊನೆಯ ಹಂತದ ಮಾತುಕತೆ ಜಾರಿಯಲ್ಲಿದೆ. ಈ ಮೂಲಕ ಧೋನಿ ಬ್ರ್ಯಾಂಡ್ ಉತ್ಪನ್ನಗಳು ವಿದೇಶವನ್ನೂ ತಲುಪಲಿದೆ.
