ಮೊದಲು ನೀವು ಓಟ್ ಮಾಡಿ, ಮತ್ತೆ ಬೇರೆಯವರಿಗೆ ಪುಕ್ಸಟೆ ಸಲಹೆ ಕೊಡಿ! ಟ್ರೋಲ್ ಆದ ರಮ್ಯಾ

ಬೆಂಗಳೂರು: ಕಾಂಗ್ರೆಸ್ ಸಾಮಾಜಿಕ ಜಾಲತಾಣಗಳ ಮುಖ್ಯಸ್ಥೆಯೂ ಆಗಿರುವ ನಟಿ ರಮ್ಯಾ ಅಲಿಯಾಸ್ ದಿವ್ಯ ಸ್ಪಂದನ್ ಟ್ವಿಟರಿಗರ ಟ್ರೋಲ್ ಗೆ ಗುರಿಯಾಗಿದ್ದಾರೆ.

ಆಗಾಗ ಟ್ವಿಟರ್ ನಲ್ಲಿ ರಮ್ಯಾ ಟ್ರೋಲ್ ಆಗುವುದು ಹೊಸದೇನಲ್ಲ. ಆದರೆ ನಿನ್ನೆ ನಡೆದ ಚುನಾವಣೆಯಲ್ಲಿ ರಮ್ಯಾ ಮತ ಚಲಾಯಿಸಿದ ಸುದ್ದಿ ಎಲ್ಲೂ ಬಂದಿಲ್ಲ. ತಾವು ಮತ ಹಾಕದೇ ಉಳಿದವರಿಗೆ ಮತ ಹಾಕಿ ಎಂದು ಸಲಹೆ ಕೊಟ್ಟ ರಮ್ಯಾರನ್ನು ಟ್ವಿಟರಿಗರು ಹಿಗ್ಗಾ ಮುಗ್ಗಾ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಮೊದಲು ನೀವು ಹೋಗಿ ಓಟ್ ಮಾಡಿ. ಮತ್ತೆ ಬೇರೆಯವರಿಗೆ ಸಲಹೆ ಕೊಡಿ ಎಂದು ಟ್ರೋಲ್ ಮಾಡಿದ್ದಾರೆ. ಕಳೆದ ವಿಧಾನಸಭೆ ಚುನಾವಣೆ ಸಮಯದಲ್ಲೂ ಕಾಲು ನೋವಿನ ಕುಂಟು ನೆಪ ಹೇಳಿ ರಮ್ಯಾ ಮತದಾನದಿಂದ ದೂರವುಳಿದಿದ್ದರು. ಆಗಲೇ ಟ್ರೋಲ್ ಗೊಳಗಾಗಿದ್ದ ರಮ್ಯಾ ಮತ್ತೆ ಈಗಲೂ ಓಟ್ ಮಾಡಿ ಎಂದು ಟ್ವೀಟ್ ಮಾಡಿ ಟ್ರೋಲ್ ಗೊಳಗಾಗಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ