ನವದೆಹಲಿ: ಡೋಕ್ಲಾಂ ಗಡಿಯಿಂದ ಭಾರತೀಯ ಸೇನೆಯನ್ನು ಹಿಂದಕ್ಕೆ ಕರೆಸಿಕೊಳ್ಳಲು ಶತಾಯ ಗತಾಯ ಪ್ರಯತ್ನ ನಡೆಸುತ್ತಿರುವ ಚೀನಾ ‘ಸಣ್ಣ ಮಟ್ಟಿನ ಸೇನಾ ಕಾರ್ಯಾಚರಣೆ’ ನಡೆಸುವ ಯೋಜನೆ ಹೊಂದಿದೆಯಾ?
ಹೀಗೊಂದು ವರದಿಯನ್ನು ಚೀನಾದ ಸರ್ಕಾರಿ ಮಾಧ್ಯಮ ವರದಿ ಮಾಡಿದೆ. ಮಾತಿನ ಮೂಲಕ ಡೋಕ್ಲಾಂ ಗಡಿಯಿಂದ ಹಿಂದೆ ಸರಿಯುವಂತೆ ಕೇಳಿಕೊಂಡರೂ ಭಾರತ ಸೊಪ್ಪು ಹಾಕಿಲ್ಲ.
ಹೀಗಾಗಿ ತನ್ನ ಕಾರ್ಯಸಾಧನೆ ಮಾಡಲು ಚೀನಾ ಸೇನೆ ಬಳಸಲಿದೆ ಎಂದು ಮಾಧ್ಯಮ ವರದಿ ತಿಳಿಸಿದೆ. ಕಾರ್ಯಾಚರಣೆಯ ಮೊದಲು ಭಾರತದ ವಿದೇಶಾಂಗ ಇಲಾಖೆಗೆ ಮಾಹಿತಿ ನೀಡಿಯೇ ದಾಳಿ ನಡೆಸುವುದಾಗಿ ಚೀನಾ ವಿದೇಶಾಂಗ ಇಲಾಖೆ ಹೇಳಿರುವುದಾಗಿ ವರದಿಯಾಗಿದೆ. ಒಂದು ವೇಳೆ ಇದು ನಿಜವಾದರೆ, ಭಾರತ ಮತ್ತು ಚೀನಾ ನಡುವೆ ಗಡಿಯಲ್ಲಿ ಮತ್ತೊಂದು ಸಂಘರ್ಷ ನಡೆಯಲಿರುವುದಂತೂ ನಿಜ.
