ಕೊರೊನಾವೈರಸ್ ಭೀತಿ: ಭಾರತೀಯರ ರಕ್ಷಣೆ ಮಾಡುವುದನ್ನು ನೋಡಿ ಅತ್ತ ಪಾಕಿಸ್ತಾನಿಯರು!
ಭಾನುವಾರ, 2 ಫೆಬ್ರವರಿ 2020 (09:47 IST)
ಬೀಜಿಂಗ್: ಕೊರೊನಾವೈರಸ್ ಭೀತಿಯಿಂದಾಗಿ ಚೀನಾದಲ್ಲಿ ಸಿಲುಕಿಕೊಂಡಿದ್ದ ಭಾರತೀಯರನ್ನು ರಕ್ಷಣೆ ಮಾಡಲು ಭಾರತ ಸರ್ಕಾರ ಕ್ರಮ ಕೈಗೊಂಡಿದ್ದರೆ, ಅತ್ತ ಪಾಕಿಸ್ತಾನಿಯರು ಅಸಹಾಯಕತೆಯಿಂದ ಅಳುತ್ತಿದ್ದಾರೆ.
ವುಹಾನ್ ನಲ್ಲಿ ಸಿಲುಕಿಕೊಂಡಿದ್ದ ಭಾರತೀಯರನ್ನು ರಕ್ಷಣೆ ಮಾಡುತ್ತಿರುವುದನ್ನು ನೋಡುತ್ತಿದ್ದ ಪಾಕಿಸ್ತಾನ ಮೂಲದ ವಿದ್ಯಾರ್ಥಿಗಳು ತಮ್ಮನ್ನು ರಕ್ಷಣೆ ಮಾಡಲು ಕ್ರಮ ಕೈಗೊಳ್ಳದೇ ಇರುವ ಪಾಕ್ ಸರ್ಕಾರಕ್ಕೆ ಹಳಿಯುತ್ತಾ ಕಣ್ಣೀರು ಮಿಡಿಯುತ್ತಿದ್ದಾರೆ.
ಪಾಕ್ ಮತ್ತು ಚೀನಾ ನಡುವೆ ಉತ್ತಮ ಬಾಂಧವ್ಯವಿದ್ದರೂ ಪಾಕ್ ಪ್ರಧಾನಿ ಇಮ್ರಾನ್ ತಮ್ಮ ಸ್ನೇಹ ಸಂಬಂಧವನ್ನು ಬಳಸಿ ಪ್ರಜೆಗಳ ರಕ್ಷಣೆಗೆ ಕ್ರಮ ಕೈಗೊಳ್ಳುತ್ತಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
