ಸಹವರ್ತಿಗೇ ಅಶ್ಲೀಲ ಸಂದೇಶ ರವಾನಿಸಿದ ಆರೋಪದಲ್ಲಿ ಕ್ರಿಕೆಟಿಗ
ಬುಧವಾರ, 2 ಆಗಸ್ಟ್ 2017 (09:41 IST)
ಇಸ್ಲಾಮಾಬಾದ್: ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ, ರಾಜಕಾರಣಿ ಇಮ್ರಾನ್ ಖಾನ್ ವಿರುದ್ಧ ಅವರದ್ದೇ ಪಕ್ಷದ ಮಹಿಳಾ ಶಾಸಕಿಯೊಬ್ಬರು ಅಶ್ಲೀಲ ಸಂದೇಶ ರವಾನಿಸಿದ ಆರೋಪ ಮಾಡಿದ್ದಾರೆ.
ಇಮ್ರಾನ್ ತೆಹ್ರೀಕ್ ಎ ಇನ್ ಸಾಫ್ ಪಕ್ಷದ ಮುಖ್ಯಸ್ಥ. ಅದೇ ಪಕ್ಷದ ಶಾಸಕಿ ಆಯೆಷಾ ಗುಲಾಲೆ ಇಮ್ರಾನ್ ಖಾನ್ ತನಗೆ ಅಶ್ಲೀಲ ಸಂದೇಶ ರವಾನಿಸಿದ್ದಾರೆ ಎಂದು ಆರೋಪಿಸಿದ್ದು, ಈ ಬಗ್ಗೆ ತನಿಖೆಯಾಗಬೇಕೆಂದು ಪತ್ರಿಕಾಗೋಷ್ಠಿಯಲ್ಲಿ ಆಗ್ರಹಿಸಿದ್ದಾರೆ.
ಇದೀಗ ಇದೇ ಕಾರಣಕ್ಕೆ ಪಕ್ಷ ಬಿಡುತ್ತಿರುವುದಾಗಿ ಗುಲಾಲೆ ಹೇಳಿಕೊಂಡಿದ್ದಾರೆ. 2013 ರಿಂದ ಇಮ್ರಾನ್ ತನಗೆ ಅಶ್ಲೀಲ ಸಂದೇಶ ರವಾನಿಸಿದ್ದು, ಅದನ್ನು ಗೌರವಯುತವಾಗಿ ಬದುಕುತ್ತಿರುವವರು ಯಾರೂ ಸಹಿಸಲು ಸಾಧ್ಯವಿಲ್ಲ. ಇಷ್ಟು ದಿನ ನಾನು ಮಾನಸಿಕ ಹಿಂಸೆ ಅನುಭವಿಸಿದ್ದೆ. ಇದೇ ಕಾರಣಕ್ಕೆ ಪಕ್ಷಕ್ಕೆ ರಾಜೀನಾಮೆ ನೀಡುತ್ತಿದ್ದೇನೆ ಎಂದು ಗುಲಾಲೆ ಆರೋಪಿಸಿದ್ದಾರೆ.
