ನವದೆಹಲಿ: ಇತ್ತೀಚೆಗೆ ಗೋಡೆಗೆ ಟೇಪ್ ಹಾಕಿ ಅಂಟಿಸಿದ್ದ ಬಾಳೆಹಣ್ಣನ್ನು 52 ಕೋಟಿ ರೂ. ಕೊಟ್ಟು ಖರೀದಿ ಮಾಡಿದ್ದು ಭಾರೀ ಸುದ್ದಿಯಾಗಿತ್ತು. ಇದೀಗ ಆ ಬಾಳೆಹಣ್ಣನ್ನು ಖರೀದಿ ಮಾಡಿದಾತ ಏನು ಮಾಡಿದ್ದಾನೆ ಎನ್ನುವ ವಿಡಿಯೋ ವೈರಲ್ ಆಗಿದೆ.
ಕ್ರಿಪ್ಟೋಕರೆನ್ಸಿ ಉದ್ಯಮಿ ಜಸ್ಟಿನ್ ಸನ್ ಎಂಬಾತ ಗೋಡೆಗೆ ಅಂಟಿಸಿದ್ದ ಬಾಳೆಹಣ್ಣನ್ನು 6.2 ಮಿಲಿಯನ್ ಡಾಲರ್ ಅಂದರೆ ಭಾರತೀಯ ಕರೆನ್ಸಿ ಪ್ರಕಾರ 52 ಕೋಟಿ ರೂ. ಕೊಟ್ಟು ಖರೀದಿ ಮಾಡಿದ್ದ. ಗೋಡೆಗೆ ಅಂಟಿಸಿದ್ದ ಬಾಳೆಹಣ್ಣಿಗೆ ಈ ಪಾಟಿ ಬೆಲೆಯಾ ಎಂದು ಎಲ್ಲರೂ ಅಚ್ಚರಿಪಟ್ಟಿದ್ದರು.
ಆದರೆ ಕೆಲವರಿಗೆ ಕಲಾಕೃತಿಗಳನ್ನು ದುಬಾರಿ ಬೆಲೆ ಕೊಟ್ಟು ಖರೀದಿಸುವ ಹುಚ್ಚು. ಅದೇ ರೀತಿ ಈ ವ್ಯಕ್ತಿಯೂ ಬಾಳೆಹಣ್ಣಿನ ಈ ಕಲಾಕೃತಿಗೆ ಮಾರು ಹೋಗಿ 52 ಕೋಟಿ ರೂ. ಕೊಟ್ಟು ಖರೀದಿ ಮಾಡಿದ್ದರು. ಈ ವಿಚಾರ ಭಾರೀ ಸುದ್ದಿಯಾಗಿತ್ತು. ಬಳಿಕ ಎಲ್ಲರೂ ಅವರಿಗೆ ಬಾಳೆಹಣ್ಣನ್ನು ಏನು ಮಾಡಿದಿರಿ ಎಂದು ಕೇಳುತ್ತಲೇ ಇದ್ದರಂತೆ. ಅವರಿಗಾಗಿ ವಿಡಿಯೋ ಹಾಕಿ ಉತ್ತರ ಕೊಟ್ಟಿದ್ದಾರೆ.
ತಾವು ಹರಾಜಿನಲ್ಲಿ ಖರೀದಿ ಮಾಡಿದ 52 ಕೋಟಿ ರೂ.ಗಳ ಬಾಳೆಹಣ್ಣನ್ನು ಕೂಡಲೇ ತಿಂದಿದ್ದು, ಬಳಿಕ ಈ ಬಾಳೆಹಣ್ಣಿನ ರುಚಿ ಡಿಫರೆಂಟ್ ಆಗಿತ್ತು. 100 ವರ್ಷಗಳ ಹಿಂದಿನ ಬಾಳೆಹಣ್ಣು ಯಾವ ರೀತಿ ಟೇಸ್ಟಿಯಾಗಿದ್ದಿರಬಹುದು ಅದೇ ರೀತಿ ಇತ್ತು ಎಂದು ಹೇಳಿಕೊಂಡಿದ್ದಾರೆ. ಈ ವಿಡಿಯೋ ಕೂಡಾ ಈಗ ವೈರಲ್ ಆಗಿದೆ.
Many friends have asked me about the taste of the banana. To be honest, for a banana with such a back story, the taste is naturally different from an ordinary one. I could discern a hint of what Big Mike bananas from 100 years ago might have tasted like. ???? pic.twitter.com/Sz6zaePGpv
