Kanimozhi: ಭಾರತದ ರಾಷ್ಟ್ರಭಾಷೆ ಯಾವುದು, ಸಂಸದೆ ಕನಿಮೊಳಿ ಕೊಟ್ಟ ಉತ್ತರದ ವಿಡಿಯೋ ಈಗ ವೈರಲ್
ಮ್ಯಾಡ್ರಿಡ್ ನಲ್ಲಿ ಭಾರತೀಯರನ್ನುದ್ದೇಶಿಸಿ ಕನಿಮೊಳಿ ಮಾತನಾಡಿದ್ದಾರೆ. ಈ ವೇಳೆ ಡಿಎಂಕೆ ಸದಸ್ಯೆಗೆ ಭಾರತದ ರಾಷ್ಟ್ರಭಾಷೆ ಯಾವುದು ಎಂದು ಕೇಳಲಾಗಿದೆ. ಇದಕ್ಕೆ ಅವರು ಕೊಟ್ಟ ಉತ್ತರಕ್ಕೆ ಈಗ ಸೋಷಿಯಲ್ ಮೀಡಿಯಾದಲ್ಲೂ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.
‘ಭಾರತದ ರಾಷ್ಟ್ರಭಾಷೆ ವಿವಿಧತೆ ಮತ್ತು ಏಕತೆ. ಈ ನಿಯೋಗವೂ ಇದೇ ಸಂದೇಶವನ್ನು ಜಗತ್ತಿಗೆ ಹೇಳಲು ಬಯಸುತ್ತಿದೆ. ಈವತ್ತಿನ ಅಗತ್ಯವೂ ಇದೇ ಆಗಿದೆ’ ಎಂದಿದ್ದಾರೆ. ಅವರ ಈ ಉತ್ತರಕ್ಕೆ ಅಲ್ಲಿದ್ದವರಿಂದಲೂ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.
ಮೋದಿ ಸರ್ಕಾರ ಕಳುಹಿಸಿರುವ ಸರ್ವಪಕ್ಷ ನಿಯೋಗದ ವಿಶೇಷತೆಯೇ ಇದು. ನಮ್ಮ ದೇಶದಲ್ಲಿ ಪಕ್ಷಗಳ ನಡುವೆ ಎಷ್ಟೇ ಭಿನ್ನಾಭಿಪ್ರಾಯಗಳಿರಲಿ. ಆದರೆ ವಿದೇಶದಲ್ಲಿ ದೇಶದ ವಿಚಾರವಾಗಿ ಒಗ್ಗಟ್ಟು ಪ್ರದರ್ಶಿಸುತ್ತಿದೆ. ಇದು ಮೆಚ್ಚುಗೆಗೂ ಪಾತ್ರವಾಗುತ್ತಿದೆ.
