ವಾಷಿಂಗ್ಟನ್ : ನೀವು ಇನ್‌ಸ್ಟಾಗ್ರಾಮ್‌ನಲ್ಲಿ ದಿನಕ್ಕೆ ಫಾಲೋ ಮಾಡುವ ವ್ಯಕ್ತಿಗಳ ಹೊಸ ಹೊಸ ಪೋಸ್ಟ್‌ಗಳು ನೋಡಲು ಒಂದು ಬಾರಿ ಪ್ರಾರಂಭಿಸಿದರೆ ಸ್ಕ್ರೋಲ್ ಮಾಡುತ್ತಲೇ ಹೋಗುತ್ತೀರಿ.
ದಿನವಿಡೀ ಇನ್‌ಸ್ಟಾಗ್ರಾಮ್ ರೀಲ್ಸ್‌ಗಳನ್ನು ನೋಡುತ್ತಾ, ಮಾಡುತ್ತಾ ಕಾಲಹರಣ ಮಾಡುವವರು ನಮ್ಮಲ್ಲಿ ಬೇಕಾದಷ್ಟು ಜನ ಇದ್ದಾರೆ. ಈ ರೀತಿ ದಿನವಿಡೀ ಕಾಲಹರಣ ಮಾಡುವವರಿಗಾಗಿ ಇನ್‌ಸ್ಟಾಗ್ರಾಮ್ ಹೊಸ ಫೀಚರ್ ತಂದಿದೆ.
ಅದೇ ಟೇಕ್ ಎ ಬ್ರೇಕ್ ಫೀಚರ್. ಇನ್‌ಸ್ಟಾಗ್ರಾಮ್ ನೋಡಿಕೊಂಡು ದಿನ ಕಳೆಯುವ ಯುವಜನರು ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದ್ದಾರೆ. ಇದು ಜನರ ಮಾನಸ್ಸಿನ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇರುತ್ತದೆ.
ಹೀಗಾಗಿ ಇನ್‌ಸ್ಟಾಗ್ರಾಮ್ ಬಳಕೆದಾರರ ಆರೋಗ್ಯದ ದೃಷ್ಟಿಯಿಂದ ಈ ಫೀಚರ್ ಹೊರ ತಂದಿದೆ. ಟೇಕ್ ಎ ಬ್ರೇಕ್ ಫೀಚರ್ ಬಳಕೆದಾರರಿಗೆ ನಿರ್ದಿಷ್ಟ ಸಮಯಗಳಲ್ಲಿ ವಿರಾಮ ತೆಗೆದುಕೊಳ್ಳುವಂತೆ ಜ್ಞಾಪಿಸುತ್ತದೆ.
ಯುವಜನರ ಯೋಗಕ್ಷೇಮ ನಮಗೆ ಮುಖ್ಯವಾಗಿದೆ. ಹೀಗಾಗಿ ಟೇಕ್ ಎ ಬ್ರೇಕ್ ಫೀಚರ್ ಹೊರತಂದಿದ್ದೇವೆ. ಇದು ಬಳಕೆದಾರರು ಇನ್‌ಸ್ಟಾಗ್ರಾಮ್‌ನಿಂದ ವಿರಾಮ ಪಡೆಯಲು ನೆನಪಿಸುತ್ತದೆ ಎಂದು ಇನ್‌ಸ್ಟಾಗ್ರಾಮ್, ಫೇಸ್‌ಬುಕ್ ಇಂಡಿಯಾದ ಸಾರ್ವಜನಿಕ ನೀತಿ ವ್ಯವಸ್ಥಾಪಕ ನತಾಶಾ ಜೋಗ್ ತಿಳಿಸಿದ್ದಾರೆ.
